मुंबई: बॉलिवूडसाठी २०२० हे वर्ष खूपच कठीण गेलं. करोना व्हायरसच्या संसर्गामुळे अनेक चित्रपटांचं चित्रिकरण रखडलं. तसेच ज्या चित्रपटांचं चित्रकरण पूर्ण झालं होतं असे चित्रपट चित्रपटगृह बंद झाल्यानं अडकून पडले. दरम्यान २०२१मध्ये परिस्थिती थोडी आटोक्यात आल्यानंतर देशातील चित्रपटगृह काही नियम आणि अटींसह सुरू करण्यात आली. त्यामुळे आता अनेक बिग बजेट चित्रपट एकामागोमाग एक रिलीज होणार आहे. तर काही चित्रपटांच्या डेट एकसारख्याच असल्यांनं बॉक्स ऑफिसवर तगडी टक्कर पाहायला मिळणार आहेत. अशात यशराज फिल्म्सचे २०२१मध्ये एक-दोन नाही तर तब्बल ५ बिग बजेट चित्रपट रिलीज होत आहेत. संदीप और पिंकी फरार अभिनेत्री परिणिती चोप्रा आणि अर्जुन कपूर यांच्या प्रमुख भूमिका असलेल्या 'संदीप और पिंकी फरार' या चित्रपटाचा ट्रेलर काही दिवसांपूर्वीच रिलीज झाला. या सस्पेन्स थ्रीलर चित्रपटाची निर्मिती आणि दिग्दर्शन दिवाकर बॅनर्जी यांनी केलं असून हा चित्रपट येत्या १९ मार्चला रिलीज होत आहे. या चित्रपटाचे वर्ल्ड वाइल्ड डिस्ट्रिब्युटर म्हणून काम पाहत आहेत. बंटी और बबली २ राणी मुखर्जी, सैफ अली खान आणि सिद्धांत चतुर्वेदी यांच्या प्रमुख भूमिका असलेला बहुचर्चित 'बंटी और बबली २' हा चित्रपट येत्या २३ एप्रिलला प्रेक्षकांच्या भेटीला येत आहे. या चित्रपटातून शर्वरी ही नवोदित अभिनेत्री बॉलिवूड पदार्पण करणार आहे. या चित्रपटाची निर्मिती यशराज फिल्म आणि यांनी केली आहे. तर दिग्दर्शन वरुण व्ही शर्मा यांचं आहे. शमशेरा रणबीर कपूर, वाणी कपूर आणि संजय दत्त यांच्या मुख्य भूमिका असलेला 'शमशेरा' हा चित्रपट येत्या २१ जूनला चित्रपटगृहात रिलीज होणार आहे. या चित्रपटाची निर्मिती यशराज फिल्म आणि आदित्य चोप्रा यांनी केली आहे. या चित्रपटाचं दिग्दर्शन करण मल्होत्रानं केलं आहे. जयेशभाई जोरदार रणवीर सिंग, शालिनी पांडे, बोमन इराणी आणि रत्ना पाठक-शाहा यांच्या प्रमुख भूमिका असेलल्या 'जयेशभाई जोरदार' या चित्रपटाची निर्मिती यशराज फिल्म आणि आदित्य चोप्रा यांनी केली. हा चित्रपट २७ ऑगस्ट २०२१ला रिलीज होणार आहे. पृथ्वीराज अक्षय कुमारची प्रमुख भूमिका असलेला 'पृथ्वीराज' या चित्रपटाबाबत प्रेक्षकांमध्ये प्रचंड उत्सुकता आहे. हा चित्रपट दिवाळीच्या मुहूर्तावर ५ नोव्हेंबर २०२१ ला रिलीज होणार आहे. या चित्रपटातून मिस वर्ल्ड मानुषी छिल्लर बॉलिवूडमध्ये पदार्पण केलं आहे. या चित्रपटाची निर्मिती यशराज फिल्मनं केली आहे. या चित्रपटात संजय दत्त आणि सोनू सूद यांच्या महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/3bLT0TK
