मुंबई: 'काहे दिया परदेस' या मालिकेतून मराठी कलाविश्वात पदार्पण करणारी अभिनेत्री सायली संजीवचे देशभरात असंख्य चाहते आहेत. मराठी मालिकांनंतर सायली मराठी चित्रपटांध्येही यशस्वी पदार्पण केलं. लवकरच ती झिम्मा या चित्रपटातून प्रेक्षकांच्या भेटीला येत आहे. या चित्रपटाचा ट्रेलर काही दिवसांपूर्वीच रिलीज झाला आणि त्यानंतर चित्रपटाच्या ट्रेलरपेक्षा सायलीच्या नावाचीच सोशल मीडियावर अधिक चर्चा सुरू आहे. याला कारण आहे ट्रेलरमध्ये दाखवण्यात आलेला सायलीचा बोल्ड सीन. मराठी मालिकांमध्ये सोज्वळ सूनेच्या भूमिकेत दिसणाऱ्या सायलीनं चित्रपटांमध्ये मात्र वैविध्यपूर्ण भूमिका साकरण्यावर भर दिला आहे. अनेक मराठी चित्रपटांमध्ये काम केलेल्या सायलीनं प्रत्येक चित्रपटात वेगवेगळ्या धाटणीची भूमिका साकारली. झिम्मामध्येही ती एक वेगळ्या धाटणीच्या भूमिकेतून प्रेक्षकांच्या भेटीला येणार आहे. पण त्यापूर्वी या चित्रपटाच्या ट्रेलरमधील तिचा बोल्ड अवतार प्रेक्षकांचं लक्ष वेधून घेताना दिसत आहे. झिम्मा चित्रपटात ७ वेगवेगळ्या वयोगटातील महिलांची कथा चित्रित करण्यात आली आहे. ज्यात एक महत्त्वपूर्ण भूमिकेत दिसणार आहे. या चित्रपटात सायलीनं बाथ सीन दिला आहे. ज्याची एक झलक ट्रेलरमध्येही दाखवण्यात आली आहे आणि आता सायलीच्या याच बोल्ड सीनची सोशल मीडियावर जोरदार चर्चा सुरू आहे. सायली संजीवचा झिम्मा हा चित्रपट येत्या २३ एप्रिलला रिलीज होणार आहे. या चित्रपटात सायली संजीव व्यतिरिक्त, सोनाली कुलकर्णी, निर्मिती सावंत, सुचित्रा बांदेवकर, क्षिती जोग, मृण्मयी गोडबोले आणि सिद्धार्थ चांदेकर यांच्याही महत्त्वपूर्ण भूमिका आहेत. या चित्रपटाव्यतिरिक्त सायली सध्या कलर्स मराठीवर सुरू असलेल्या 'शुभमंगल ऑनलाइन' या मालिकेत काम करत आहे.
from Marathi Bollywood News, Marathi Cinema News https://ift.tt/3vl8LZy
