मुंबई: बॉलिवूड अभिनेत्री आज २८ वा वाढदिवस साजरा करत आहे. महेश भट्ट आणि सोनी राजदान यांची मुलगी आलियाचा जन्म १५ मार्च १९९३ रोजी मुंबईमध्ये झाला. आलियानं २०१२ मध्ये 'स्टुडंट ऑफ द इयर' या चित्रपटातून बॉलिवूडमध्ये पदार्पण केलं. अगदी कमी वयात आपल्या अभिनयाच्या जोरावर तिनं बॉलिवूडमध्ये स्वतःची वेगळी जागा तर निर्माण केलीच पण यासोबतच ती सध्या बॉलिवूडच्या आघाडीच्या अभिनेत्रींना टक्कर देतानाही दिसते. आलियानं आतापर्यंत अनेक हिट चित्रपट दिले आहेत. आलिया भट्ट आज त्या ठिकाणी आहे ज्या ठिकाणी पोहोचण्याची लोक स्वप्न पाहतात. अर्थात आलियाची मेहनत तिच्या यशात सर्वात महत्त्वाची आहे. तिचे चाहते केवळ भारतातच नाही तर जगभरात आहेत. तिची एक झलक पाहण्यासाठी चाहते वेडे आहेत. पण फार कमी लोकांना माहीत आहे की, आलिया स्वतः सुद्धा एका अभिनेत्याच्या प्रेमात वेडी होती आणि याचा खुलासा तिनं स्वतःच केला आहे. पण हा अभिनेता नाही तर दुसराच कोणी आहे. आलियानं एका मुलाखतीत खुलासा केला होता की, ३ वर्षांची असताना ती एका अभिनेत्याच्या प्रेमात पडली होती आणि आजही हा अभिनेता तिची क्रश आहे. अभिनेता जुगल हंसराजला पाहता क्षणी त्याच्या प्रेमात पडले होते असं आलिया भट्टनं यावेळी सांगितलं होतं. त्यावेळी जुगल तिच्या वडीलांच्या एका चित्रपटात काम करत होता. आलिया सांगते, जेव्हा मी पहिल्यांदा जुगलला समोर पाहिलं होतं तेव्हा माझी बोलतीच बंद झाली होती. त्यावेळी तो माझ्या वडीलांच्या 'पापा कहते है' या चित्रपटात काम करत होता. एक दिवस तो बाबांसोबत घरी आला आणि त्यावेळी मी त्याला पहिल्यांदा पाहिलं होतं. त्यानं माझ्यासाठी 'घर से निकलते ही कुछ दूर चलते ही' हे गाणं गायलं होतं आणि मी लाजून पडद्याच्या मागे लपले होते.' तसं पाहायला गेले तर आलिया भट्टला शाहिद कपूर आणि रणबीर कपूर यांच्यावर क्रश होता. वयाच्या ११ व्या वर्षी ती रणबीरच्या प्रेमात पडली होती. ज्याचा खुलासा तिनं रणबीरसोबत रिलेशनशिपबाबत बोलताना एका मुलाखतीत केला होता. मागच्या काही वर्षांपासून हे दोघंही एकमेकांना डेट करत आहेत. दरम्यान मागच्या वर्षभरात रणबीरच्या आयुष्यात अनेक संकट आणि वाईट काळ आला पण या सर्वच वेळी आलिया त्याच्यासोबत खंबीरपणे उभी राहिली आहे.
from Marathi Bollywood News, Marathi Cinema News https://ift.tt/3cusH3w
