मुंबई: ‘’ मालिकेतल्या बबड्याला, म्हणजेच सोहमला पाहून अनेकांच्या तळपायाची आग मस्तकात जायची. बबड्यावरुन भरपूर मिम्सही व्हायरल झाले. पण लवकरच ही मालिका आता प्रेक्षकांचा निरोप घेणार आहे. मालिकेत उर्फ बबड्याची भूमिका साकारणारा अभिनेता यानं मालिकेचा निरोप घेताना एक भावुक पोस्ट शेअर केली आहे. आशुतोषनं इन्स्टाग्रामवर एक पोस्ट शेअर केली आहे. या पोस्टमध्ये त्यानं मालिकेतील काही आठवणींना उजाळा दिला आहे. काय म्हटलंय आशुतोषनं त्याच्या पोस्टमध्ये?'सोहम' ऊर्फ ''. काही वर्षांनी मागे वळून पाहिल्यावर हे पात्र कायम एक नंबरवर असेल माझ्यासाठी, कारण 'अग्गंबाई सासूबाई'कडून अनेक धडे गिरवले. मराठी भाषेपासून, कलाकाराने कॅमेरासमोर भावना कशा व्यक्त कराव्यात आणि लोकांच्या मनाचा कसा ठाव घ्यावा हे या मालिकेने शिकवलं, असं आशुतोष म्हणाला. तसंच दिग्गज कलाकारांच्या सहवासात खूप शिकलो, सगळ्यांनी मला मनापासून सांभाळून घेतलं यासाठी मी कृतज्ञ आहे. झी मराठी आणि आमचे निर्माते सुनील भोसले यांचा मी आभारी आहे, की 'सोहम' म्हणून त्यांनी माझ्यावर विश्वास दाखवला आणि तुम्ही मायबाप प्रेक्षक, तुम्ही सुद्धा खूप प्रेम दिलत. अशा शब्दात आशुतोषनं त्याच्या भावना व्यक्त केल्यात. 'अग्गंबाई सासूबाई' मालिकेतील आसावरी, अभिजित, आजोबा, शुभ्रा आणि सोहम उर्फ बबड्या ही सर्वच पात्र प्रेक्षकांमध्ये लोकप्रिय होती. पण नव्या पर्वात शुभ्राची भूमिका अभिनेत्री तेजश्री प्रधानच्या जागी आता उमा पेंढारकर साकारणार आहे. तर बबड्याची भूमिका अद्वैत दादरकर साकारणार आहे.
from Marathi Bollywood News, Marathi Cinema News https://ift.tt/2PE6zvz
