लॉस एंजिलिस- हॉलिवूडमधील सर्वाधिक लोकप्रिय असलेल्या ९३ व्या ऑस्कर अवॉर्ड २०२१ साठी नॉमिनेश सोमवारी जाहीर करण्यात आली. यामध्ये यांच्या बायोग्राफिकल नाट्य असलेल्या 'मँक' या सिनेमाला सर्वोत्तम सिनेमा, सर्वोत्तम दिग्दर्शक आणि सर्वोत्तम अभिनेता यांसह सर्वाधिक म्हणजे १० नामांकनं मिळाली आहेत. त्याखालोखाल 'मिनारी', 'नोमँडलँड' आणि 'द ट्रायल ऑफ शिकागो' या सिनेमांना प्रत्येकी सात नामांकने मिळाली आहेत. तर 'जुडाज अँड द ब्लॅक मसीहा', 'साऊंड ऑफ मेटल' आणि 'द फायर' सिनेमांना प्रत्येकी सहा नामांकने मिळाली आहेत. दरम्यान, हिच्या '' या सिनेमाला अॅडॉप्टेड स्क्रीनप्ले विभागासाठी नामांकन मिळाले आहे. सर्व सिनेप्रेमींना उत्सुकता असलेला हा पुरस्कार सोहळा २५ एप्रिल रोजी लॉस एंजिलिस येथे होणार आहे. प्रियांका-निकने केली नामांकनाची घोषणा ऑस्करच्या अधिकृत यू-ट्यूब चॅनेलवरून सोमवारी या नामांकन सोहळ्याचे थेट प्रक्षेपण करण्यात आले. सिनेमांची नामांकने प्रियांका चोप्रा आणि तिचा नवरा निक यांनी जाहीर केली. दिग्दर्शक एमरल्ड फेनेल यांच्या पहिल्या सिनेमाला 'प्रॉमिसिंग यंग वुमन' आणि 'मा रेनीज ब्लॅक बॉटम' या सिनेमांना प्रत्येकी पाच नामांकने जाहीर झाली आहेत. पुरस्कारांच्या स्पर्धेत आशियायी अभिनेता ९३ व्या ऑस्कर अकादमी अॅवॉर्डमध्ये पहिल्यांदाच मुस्लीम अभिनेत्याला सर्वोत्तम अभिनेता या विभागात नामांकन मिळाले आहे. ' द साऊंड ऑफ मेटल' या सिनेमासाठी रिज अहमद याला नामांकन मिळाले आहे. प्रियांकाची निर्मिती असलेल्या 'द व्हाईट टायगर' ला ही नॉमिनेशन आंतरराष्ट्रीय ख्यातीचे कांदबरीकार अरविंद अडीगा यांच्या कादंबरीवर आधारीत असलेल्या 'द व्हाईट टायगर' ला अॅडॉप्टेड स्क्रीनप्ले विभागासाठीअसलेल्या पुरस्कारांच्या यादीमध्ये स्थान मिळाले आहे. या सिनेमाची प्रियांका चोप्रा कार्यकारी निर्माती असून यात तिने सहाय्यक अभिनेत्री म्हणूनही काम केले आहे. 'द व्हाईट टायगर'ला मिळालेल्या नामांकनाबद्दल प्रियांकाने सोशल मिडीयाद्वारे आनंद व्यक्त केला आहे. ती म्हणते, ऑस्करसाठी नामांकन मिळालं आहे. रामिन आणि व्हाईट टायगरच्या संपूर्ण टीमचे अभिनंदन. मी नामांकन सोहळ्यात सहभागी होते, त्यामुळे हा क्षण माझ्यासाठी खास आहे. मला खूप अभिमान वाटत आहे. या चित्रपटाचे दिग्दर्शन रामिन बहरानी यांनी केले आहे.
from Marathi Bollywood News, Marathi Cinema News https://ift.tt/3llikCV
