मुंबई ः आणि हे बॉलिवूडमधील सर्वात सुंदर जोडप्यांपैकी एक आहे. परंतु, शिल्पामुळे माझा संसार तुटला, असा आरोप राज कुंद्राची पहिली बायको कविता हिने केला होता. त्यामुळे हा वाद मिटवण्यासाठी राज कुंद्रा आणि शिल्पा शेट्टीला कविता आणि तिच्या कुटुंबाची माफी मागावी लागली होती, अशी चर्चा आहे. शिल्पावर केले हे आरोप लंडन येथीलउद्योजकाची मुलगी असलेल्या कवितासोबत राज कुंद्रा अनेक वर्षे रिलेशनमध्ये होता. त्यानंतर २००३ मध्ये या दोघांनी लग्न केले. परंतु हे लग्न अवघे तीन वर्षच टिकले आणि त्यानंतर हे दोघे वेगळे झाले. त्यानंतर २००६ मध्ये त्यांचा घटस्फोट झाला. त्यानंतर तीन वर्षांनी म्हणजे २००९ मध्ये राज कुंद्रा आणि शिल्पा शेट्टी यांनी लग्न केले. त्यानंतर राज कुंद्राची पहिली बायको, कविता हिने शिल्पावर अनेक आरोप केले. शिल्पा भेटल्यानंतर राज बदलला राज कुंद्रा आणि आपले नातेसंबंध तुटण्याला शिल्पाच कारणीभूत होती असा आरोप कविताने प्रसिद्धी माध्यमांसमोर केला होता. राज आणि शिल्पा एकमेकांना भेटले त्यानंतर त्याचे वागणे बदलले. वैवाहिक आयुष्यावर परिणाम झाला. या तीन वर्षांच्या वैवाहिक आयुष्यामध्ये या दोघांना मुलगी झाली. तिचे नाव डेलिना असे ठेवले. परफ्युम लाँचच्या कार्यक्रमात झाली भेट कविताने पुढे सांगितले की, लंडनमध्ये परफ्युम S2 च्या लाँचिंगच्या एका शानदार कार्यक्रमात शिल्पा आणि राज एकमेकांना भेटले. तिथे राजने शिल्पाला खूप मदत केली होती. या दोघांचे एकत्र फोटो प्रसिद्ध झाले तेव्हा ते दोघे नवरा-बायको असल्याप्रमाणे दिसत होते. घटस्फोटावेळी दोन महिन्यांची होती मुलगी कविताने मुलाखतीमध्ये पुढे सांगिते की, त्या काळामध्ये राज फक्त शिल्पाबद्दलच बोलायचा. त्यावरूनच मला समजून चुकले की आता आपल्या संसाराचे काही खरे नाही. आपल्यापेक्षा जास्त चांगली आणि प्रसिद्ध अशी व्यक्ती राजला मिळाली आहे. त्यावेळी शिल्पाने 'बिग ब्रदर' हा रिअॅलिटी शो जिंकल्यामुळे प्रसिद्ध झाली होती. त्यानंतरच राजने घटस्फोट घ्यावा यासाठी आपल्यावर दबाव आणायला सुरुवात केली होती. राजने घटस्फोटाची नोटीस पाठवली तेव्हा आमची मुलगी अवघी दोन महिन्यांची होती. राजने शिल्पाला पाठीशी घातले कवितांच्या या आरोपांनंतर राज कुंद्राला समोर येऊन स्पष्टीकरण द्यावे लागले. त्याने सांगितले की, पहिली पत्नी कविता हिच्यापासून वेगळे झाल्यानंतर नऊ महिन्यानंतर शिल्पा त्याच्या आयुष्यात आली. त्यावेळी कविताबरोबरची घटस्फोटाची प्रक्रिया सुरू झालेली होती. त्यामुळे शिल्पाचा या सर्वांशी काहीच संबंध नाही. अशी आहे राज-शिल्पाची लवस्टोरी शिल्पा आणि राज कुंद्रा यांची प्रेमकथा एखाद्या सिनेमासारखी आहे. त्यात खूपसारे वाद आणि उत्कंठा आहे. दरम्यान परफ्युमच्या जाहिरातीवेळी या दोघांसंदर्भात ज्या काही बातम्या आल्या त्या ख-या नसल्याचे राज याने सांगितले. तेव्हा आम्ही केवळ चांगले मित्र होतो, असेही त्याने सांगितले. मात्र, त्यानंतर हळूहळू हे दोघे अनेकदा एकत्र दिसले. त्यादरम्यान शिल्पाने दिलेल्या एका मुलाखतीमध्ये आपण कुणालातरी डेट करत असल्याचे तिने सांगितले. परंतु त्याबाबत अधिक काही बोलण्यास नकार दिला होता. असे केले शिल्पाला प्रपोज मात्र, यावेळी शिल्पाने असेही सांगितले होते की, खूप काळ ती एकटी होती परंतु ती आता ज्याच्यासोबत डेट करत आहे ती व्यक्ती तिची खूप काळजी घेते आणि तिच्याबद्दल आदरही व्यक्त करते. शिल्पाला राजने कसे प्रपोज केले याची एक मजेशीर गोष्ट शिल्पाने शिवानी दांडेकर हिला दिलेल्या एका मुलाखतीमधून समोर आली आहे. शिल्पाला राजने पॅरिसमध्ये ते डेटवर गेले असताना जेवताना प्रपोज केले होते. त्यावेळी ज्या हॉटेलमध्ये ते गेले होते ते ठिकाण राजने खास त्यांच्यासाठी बुक केले होते. जेव्हा राजने शिल्पाला प्रपोज केले तेव्हा त्यांच्या बाजूला व्हॉयोलिन वाजवणारे होते. तिने पुढे सांगितले की, हे तिच्यासाठी सरप्राईज असल्याने एका मित्राकडे जेवायला जायचे आहे, असे सांगून राजने तिला बाहेर नेले. शिल्पाला तिच्या बहिणीने राजच्या सांगण्यावरून लाल ड्रेस घालायला सांगितला होता. जेव्हा राजने शिल्पाला प्रपोज केले तेव्हा तिला पाच कॅरेटची हि-याची अंगठी दिली. शिल्पा-राज ला दोन मुले शिल्पा आणि राजने काही दिवस डेटिंग केल्यानंतर २००९ मध्ये लग्न केले. त्यानंतर त्यांच्या २१ मे २०१२ ला मुलाचा जन्म झाला. त्याचे नाव वियान असे ठेवले. त्यानंतर १५ फेब्रुवारी २०२० मध्ये सरोगसीद्वारे एका मुलीला जन्म दिला. तिचे नाव समीशा शेट्टी कुंद्रा असे आहे. सध्या हे चौकोनी कुटुंब आनंदात आहे.
from Marathi Bollywood News, Marathi Cinema News https://ift.tt/3lDWN8X
