मुंबई: बॉलिवूड अभिनेता मागच्या बऱ्याच काळापासून मोठ्या पडद्यावर न दिसल्यानं चर्चेत आहे. शाहरुखचे चाहते त्याला मोठ्या पडद्यावर पाहण्यासाठी आतुर आहेत. लवकरच प्रेक्षकांची ही उत्सुकता संपणार आहे. कारण शाहरुख खान लवकरच आगामी चित्रपट 'पठाण' मधून प्रेक्षकांच्या भेटीला येणार आहे. पण त्याआधी त्याची सोबत एक जाहिरात आली आहे. ज्यानंतर सोशल मीडियावर भन्नाट मीम्स शेअर होताना दिसत आहेत. अजय देवगण अनेकदा विमल पान मसालाच्या जाहिराती करताना दिसतो. त्यासाठी अनेकदा त्याला सोशल मीडियावर ट्रोल सुद्धा केलं जातं. पण आता अशाच एका जाहिरातीत अजयसोबत शाहरुख खान सुद्धा दिसल्यानंतर शाहरुखचे चाहते सुद्धा चकित झाले आहेत. या दोघांच्या जाहिरातीचा व्हिडीओ सोशल मीडियावर जोरदार व्हायरल होत असून त्या पाठोपाठ मीम्सचा सुद्धा पाऊस पडताना दिसत आहे. एका युझरनं शाहरुख आणि अजयच्या या जाहिरातीचा व्हिडीओ शेअर करताना लिहिलं, बॉलिवूडमधला एकही निर्माता आणि दिग्दर्शक या दोघांना एकत्र कास्ट करू पण ही किमया विमल पान मसालाने करून दाखवली. आणखी काही युझर्सनी शाहरुखच्या या जाहिरातीवर नाराजी व्यक्त केली आहे त्यानं लिहिलं, आम्ही तुला मोठ्या पडद्यावर मिस करत होतो. तू २०२१ मध्ये येशील असं वाटत होतं. त्याप्रमाणे तू आलास सुद्धा पण ते ही विमल पान मसालाच्या जाहिरातीतून. या व्यतिरिक्त अनेक मजेदार मीम्स सुद्धा सोशल मीडियावर व्हायरल होताना दिसत आहे. अनेकांनी शाहरुखला या जाहिरतीत पाहिल्यानंतर अजयची खिल्ली उडवण्यास सुरुवात केली आहे. तर काहींनी या मीम्समध्ये काजोलला सुद्धा सहभागी केलं आहे.
from Marathi Bollywood News, Marathi Cinema News https://ift.tt/315FiVk
