मुंबई- बॉलिवूडची प्रसिद्ध अभिनेत्री उर्वशी रौतेला तिच्या खास अंदाजासाठी चाहत्यांमध्ये प्रसिद्ध आहे. सोशल मीडियावर तिच्या स्टाईलची नेहमी चर्चा होत असते.अनेक चित्रपटातून तिने तिच्या अभिनयाची झलक प्रेक्षकांना दाखवली आहे. नुकत्याच मिळालेल्या माहितीनुसार उर्वशीच्या चाहत्यांसाठी एक आनंदाची बातमी आहे. उर्वशी लवकरच तामिळ चित्रपटसृष्टीत पदार्पण करणार आहे. जोसेफ डी सामी आणि जेराल्ड आरोकीयम यांच्या आगामी चित्रपटात उर्वशीच्या नावाची वर्णी लागली आहे. या चित्रपटासाठी अभिनेत्री आलिया भट्टच्या नावाची चर्चा होती. परंतु, आता मात्र उर्वशीला या भूमिकेसाठी निवडण्यात आलं आहे. मुख्य म्हणजे या चित्रपटाचं बजेट २०० कोटी आहे. उर्वशीच्या नुकत्याच प्रदर्शित झालेल्या 'व्हर्जिन भानुप्रिया' ला प्रेक्षकांचा उत्तम प्रतिसाद लाभला होता. त्यापूर्वी उर्वशीने 'काबिल', 'सनम रे', 'भाग जॉनी' यासारख्या हिट चित्रपटांमध्ये उत्तम भूमिका साकारल्या होत्या. त्यासोबतच उर्वशीने 'लव डोस', 'बिजली की तार' आणि 'तेरी लोड वे' सारख्या काही म्युजिक व्हिडिओंमध्येही काम केलं आहे. या चित्रपटात उर्वशी मायक्रोबायोलॉजिस्ट आणि आयआयटीयनची भूमिका साकारत असून या चित्रपटाच्या चित्रीकरणाला मनालीमध्ये सुरुवातदेखील झाली आहे. चित्रपटाचं नाव अद्याप गुलदस्त्यात आहे. हा चित्रपट विज्ञानावर आधारित असून चित्रपट तामिळ, कन्नड, तेलगू, हिंदी आणि मल्याळम या भाषांमध्ये प्रदर्शित करण्यात येणार आहे. उर्वशी सध्या तिच्या पुढील हिट वेब सिरीज “इंस्पेक्टर अविनाश” च्या चित्रीकरणात व्यग्र आहे. यात ती प्रसिद्ध लोकप्रिय अभिनेता रणदीप हूडासोबत झळकणार आहे. द्विभाषिक थ्रिलर “ब्लॅक रोज” आणि “तिरुत्तू पायले 2” चा हिंदी रिमेक यांसारखे अनेक चित्रपट सध्या उर्वशीकडे आहेत. ती लवकरच इजिप्शियन सुपरस्टार मोहम्मद रमजान बरोबर एका इंटरनॅशनल म्युसिक व्हिडीओ "वारसाचे" मध्ये दिसणार आहे.
from Marathi Bollywood News, Marathi Cinema News https://ift.tt/3bCJsKC
