मुंबई: असा बॉलिवूड सेलिब्रेटी आहे जो नेहमीच त्याच्या कपड्यांमुळे चर्चेत राहतो. काहीतरी हटके करण्यासाठी आणि हटके कपडे घालण्याच्या बाबतीत करण जोहर आणि रणवीर सिंग यांच्यात नेहमीच टक्कर पाहायला मिळते. पण अनेकदा काहीतरी वेगळं किंवा हटके करण्याच्या नादात या सेलिब्रेटींना सोशल मीडियावर ट्रोल व्हावं लागतं. आताही करणसोबत असंच काहीसं घडलं आहे. फॅशन डिझायनर मनिष मल्होत्राच्या पार्टीसाठी घातलेल्या शर्टमुळे करणला सोशल मीडियावर ट्रोल केलं जात आहे. फॅशन डिझायनर मनिष मल्होत्रानं नुकतीच एक पार्टी आयोजित केली होती. ज्यात बॉलिवूडच्या अनेक सेलिब्रेटींनी हजेरी लावली आणि यात करण जोहरचा सुद्धा समावेश होता. मात्र या पार्टीमध्ये घातलेल्या शर्टमुळे करण जोहर सध्या सोशल मीडियावर चर्चेत आहे. करणनं या पार्टीसाठी एक ब्लॅक अँड व्हाइट शर्ट घातलं होतं. ज्यावर न्यूजपेपर प्रिंट करण्यात आली होती. जेव्हा करणचे या पार्टीतील फोटो समोर आले तेव्हा त्याला सोशल मीडियावर ट्रोल करण्यात आलं. करण जोहरचे मनिष मल्होत्राच्या पार्टीतील हे फोटो सध्या सोशल मीडियावर खूप व्हायरल झाले आहेत आणि या शर्टवरून नेटकरी करणची खिल्ली उडवताना दिसत आहेत. करणला ट्रोल करताना एका युझरनं, 'करण या कपड्यात न्यूजपेपरसारखा दिसत आहे' असं लिहिलं. तर दुसऱ्या एका युझरनं लिहिलं, 'कोणीतरी करणला समजवा की न्यूजपेपर कपडे म्हणून नाही घालत. तो वाचायचा असतो.' मनिष मल्होत्राच्या पार्टीला जाण्याआधी करण जोहर करिना कपूरच्या बाळाला भेटण्यासाठी तिच्या घरी गेला होता. याशिवाय करणनं पाच नव्या प्रोजक्टची घोषणा नुकतीच केली आहे. हे सर्व प्रोजेक्ट नेटफ्लिक्सवर रिलीज होणार आहेत. ज्यात 'दास्‍तान्‍स', 'फाइंडिंग अनामिका', 'सर्चिंग फॉर शीला' आणि 'फॅब्‍यूलस लाइव्‍स ऑफ बॉलिवुड वाइफ्स २' यांचा समावेश आहे.
from Marathi Bollywood News, Marathi Cinema News https://ift.tt/3qfhicD
