मुंबई: मराठी चित्रपटच सृष्टीनं आतापर्यंत अनेक सुपरहिट चित्रपट दिले आहे. जे अनेक वर्षांनंतरही प्रेक्षकांमध्ये प्रचंड लोकप्रिय आहे. पण यासोबत काही चित्रपटांमधील गाणी सुद्धा प्रचंड लोकप्रिय झाली आणि आता त्यांची लोकप्रियता परदेशातही जाऊन पोहोचली आहे. याचं उत्तम उदाहरण म्हणजे अभिनेता यांचा 'जत्रा' चित्रपट आणि त्यातील '' हे लोकप्रिय गाणं. भरत जाधव यांनी नुकत्याच शेअर केलेल्या एका व्हिडीओतून हे गाणं परदेशातही किती लोकप्रिय झालं आहे याची कल्पना येते. अभिनेता भरत जाधव यांनी त्याच्या इन्स्टाग्रामवर एक व्हिडीओ शेअर केला आहे. या व्हिडीओला 'संगीताला भाषेची मर्यादा नसते हेच खर. हे गाणं अनेक देशातील लोक अजुनही एंजॉय करतात याचा आनंद आहे. आमची इंटरनॅशनल कोंबडी' असं कॅप्शन दिलं आहे. भरत जाधव यांनी शेअर केलेला हा व्हिडीओ सध्या सोशल मीडियावर कौतुकाचा विषय ठरत आहे आणि त्याला कारणही तसंच खास आहे. भरत जाधव यांनी इन्स्टाग्रामवर शेअर केलेल्या या व्हिडीओमध्ये रिकी पॉन्ड यांनी भरत जाधव यांच्या लोकप्रिय कोंबडी पळाली या गाण्यावर धम्माल डान्स केला आहे. विशेष म्हणजे रिकी हे वॉशिन्गटन येथील राहणारे असून ते एक डान्सर आहेत. रिकी यांना मराठी भाषा येत नाही मात्र त्यांनी मराठी गाण्यावर अगदी उत्तम डान्स केला आहे. म्हणून भरत जाधव यांनी त्यांना 'आमची इंटरनॅशनल कोंबडी' असं म्हणत त्यांचं कौतुक केलं आहे. २००६ मध्ये रिलीज झालेल्या 'जत्रा' चित्रपटात भरत जाधव यांची प्रमुख भूमिका होती. या चित्रपटाती 'कोंबडी पळाली' हे गाणं त्यावेळी प्रचंड लोकप्रिय ठरलं होतं. या गाण्यावर क्रांती रेडकर आणि भरत जाधव यांनी डान्स केला होता. आता हेच गाणं साता समुद्रापार जाऊन पोहोचलं आहे.
from Marathi Bollywood News, Marathi Cinema News https://ift.tt/3rhZEWO
