मुंबई- बॉलिवूड अभिनेत्री मागच्या काही दिवसांपासून तिचा आगामी चित्रपट 'गंगूबाई काठियावाडी'मुळे चर्चेत आहे. या चित्रपटाचा टीझर काही दिवसांपूर्वी रिलीज झाला. त्यानंतर यातील अभिनयामुळे आलियाच्या नावाची सोशल मीडियावर जोरदार चर्चा झाली आणि अर्थातच तिच्या या अभिनयासाठी तिचं कौतुकही झाली. त्यानंतर आता आलिया पुन्हा एकदा चर्चेत आली आहे ती एका व्हायरल व्हिडीओतील तिच्या ब्रायडल लुकमुळे... मागच्या वर्षभरापासून आलिया भट्टच्या लग्नाची जोरदार चर्चा सुरू आहे आणि अशात आता सोशल मीडियावर आलियाचा एक व्हिडीओ व्हायरल होत आहे. ज्यात ती ब्रायडल लुकमध्ये पाहायला मिळत आहे. पण हा लुक तिनं एका जाहिरातीच्या शूटसाठी केला आहे. पर्क चॉकलेटच्या जाहिरातीसाठी आलियानं नवरीचा गेटअप केला आहे. ज्यात अभिनेता पावेल गुलाटी नवरदेवाच्या वेशात दिसत आहे. गुलाबी लहंगा, हेवी ज्वेलरी, कपाळावर मांगटीका अशा वेशात आलिया कमालीची सुंदर दिसत आहे. आलिया भट्टच्या या व्हिडीओमध्ये तिच्या लुकपेक्षा तिच्या चेहऱ्यावरील भाव खूपच दमदार आहेत. या जाहिरातीच्या व्हिडीओमध्ये ती सुरुवातीला नववधूप्रमाणे लाजताना दिसत आहे. पण जेव्हा वरमाला घालण्याची वेळ येते तेव्हा ती आपला स्मार्टनेस दाखवते. यावेळी तिच्या चेहऱ्यावरील भाव पाहण्यासारखे आहेत. आलिया भट्टनं या अगोदरही अनेकदा जाहिरातींसाठी ब्रायडल लुक केला आहे. ज्याचं खूप कौतुकही झालं होतं. आलियाच्या वर्कफ्रंटबद्दल बोलायचं तर ती लवकरच संजय लीला भन्साळी यांच्या 'गंगूबाई काठियावाडी' या चित्रपटातून प्रेक्षकांच्या भेटीला येत आहे. काही दिवसांपूर्वीच या चित्रपटाचा ट्रेलर रिलीज झाला. ज्यातील आलियाच्या दमदार अभिनयाचं खूप कौतुकही झालं. हा चित्रपट येत्या ३० जुलैला प्रेक्षकांच्या भेटीला येत आहे. याशिवाय आलिया भट्ट अयान मुखर्जीच्या 'ब्रह्मास्त्र' चित्रपटात रणबीर कपूरसोबत पहिल्यांदाच स्क्रिन शेअर करणार आहे.
from Marathi Bollywood News, Marathi Cinema News https://ift.tt/30jigdm
