मुंबई- छोट्या पडद्यावरील 'डान्स दिवाने' या लोकप्रिय कार्यक्रमात देशभरातील गुणी कलावंत येतात. देशातील निरनिराळ्या प्रांतातून, वेगवेगळी भाषा बोलणारे स्पर्धक कार्यक्रमाचा भाग होतात. त्यांच्या नृत्यकौशल्याने प्रेक्षकांना आणि परीक्षकांना मोहवून टाकण्यासाठी ते जीवाचं रान करतात. प्रचंड मेहनत घेऊन ते स्वतःला सिद्ध करतात. कार्यक्रमात सहभागी होण्यासाठी त्यांना ऑडिशन प्रक्रियेला सामोरं जावं लागतं. यातून परीक्षक काही उत्तम स्पर्धकांची निवड करतात. सध्या या कार्यक्रमात उदय सिंग सर्वांची मनं जिंकत आहे. 'डान्स दिवाने' या सीझनच्या ऑडिशनदरम्यान सेटवर एका स्पर्धकाबद्दल बरीच चर्चा रंगली होती. त्याने त्याच्या दर्जेदार नृत्याने परीक्षकांची मन जिंकली. त्याचं नाव आहे . कलर्स वाहिनीच्या इन्स्टाग्राम अकाउंटवर या कार्यक्रमाच्या ग्रॅण्ड प्रीमिअरची एक झलक दाखवण्यात आली. ग्रॅण्ड प्रीमिअरमध्ये उदयने इतका सुंदर डान्स केला की शोचे परीक्षक आणि पाहुणे म्हणून आलेला रेमो डिसूजादेखील भावुक झाला. इतकंच नाही तर बॉलिवूडची धकधक गर्ल देखील उदयचं कौतुक करण्यापासून स्वतःला रोखू शकली नाही. उदयचा डान्स झाल्यानंतर माधुरी त्याच्या आईला साडी भेट म्हणून देते. ते दृश्य पाहून उदय प्रचंड भावुक होतो आणि रडू लागतो. भारतातील अनेक उत्कृष्ट नृत्य करणाऱ्या व्यक्तींसाठी 'डान्स दिवाने' ने नेहमीच संधी उपलब्ध करून दिल्या आहेत. या कार्यक्रमाने अनेकांची स्वप्न पूर्ण केली आहेत. बॉलिवूडमध्ये नाव कमावण्याच्या अनेक वाटा या कार्यक्रमाने स्पर्धकांसाठी खुल्या केल्या. आपल्या कलेला इतरांसमोर योग्य रीतीने मांडण्याची शिकवण 'डान्स दिवाने' च्या मंचावर स्पर्धकांना मिळते. लवकरच या कार्यक्रमाचा तिसरा सीजन प्रेक्षकांसमोर येत आहे.
from Marathi Bollywood News, Marathi Cinema News https://ift.tt/2OLPlwc