मुंबई- बॉलिवूडची अत्यंत लाडकी जोडी आणि त्यांच्या चाहत्यांमध्ये प्रचंड लोकप्रिय आहे. एक चांगले जोडीदार असण्यासोबतच ते चांगले आईवडीलही बनण्याचा प्रयत्न करताना दिसतात. मीरा आणि शाहिद त्यांच्या मुलांसोबत जास्तीत जास्त वेळ घालवतात. मीरा नेहमी मुलाची काळजी घेताना दिसते. घराची जबाबदारी सांभाळण्यासोबतच मीरा सोशल मीडियावरही प्रचंड सक्रिय असते. ती तिचे आणि कुटुंबाचे अनेक फोटो सोशल मीडियावर शेअर करताना दिसते. अभिनेत्री नसूनही मीराची फॅन फॉलोविंग एखाद्या अभिनेत्रीपेक्षा कमी नाही. नुकताच तिने सोशल मीडियावर एक फोटो शेअर केला ज्यावर चाहत्यांनी त्यांच्या प्रेमाचा वर्षाव केलं आहे. मीराने तिच्या इन्स्टाग्राम स्टोरीवर त्यांच्या मुलीने म्हणजेच मिशाने बनवलेल्या केकचा फोटो शेअर केला. हा केक मिशाने तिच्या लाडक्या बाबासाठी बनवला होता. मीराच्या म्हणण्यानुसार मिशाला शाहीदसाठी केक बनवायला खूप आवडतं. ती अनेकदा त्याच्यासाठी असे केक बनवत असते. आताही तिने शाहीदसाठी चॉकलेट फ्लेवरचा केक बनवला होता. तो फोटो चाहत्यांसोबत शेअर करत मीराने म्हटलं, 'शाहीदसाठी तर प्रत्येक दिवस व्हॅलेंटाइन दिवस असतो. कारण त्याच्या मुलीला त्याच्यासाठी केक बनवायला खूप आवडतं. आणि दुसरीकडे माझ्या मुलाला माझ्यापेक्षा स्पाइडर मॅनसोबत वेळ घालवायला जास्त आवडतो.' तिच्या या पोस्टमधुन तिने जणू तिची तक्रार मांडली आहे. तिने शेअर केलेला हा फोटो चाहत्यांना खूप आवडला आहे. मीरा तिच्या मुलांची खूप काळजी घेते. शाहिद आणि मीराला व्यायामाची आवड असल्याने ते दोघेही एकत्र जिमला जाताना दिसतात. काही दिवसांपूर्वी मीराने शाहिदला एक फिटनेस चॅलेंज दिलं होतं. जे शाहिदने पूर्ण करून दाखवलं होतं. त्याचा व्हिडिओदेखील सोशल मीडियावर वायरल झाला होता.
from Marathi Bollywood News, Marathi Cinema News https://ift.tt/3cfqgmd
