मुंबई: अभिनेता सध्या सोशल मीडियावर खूप चर्चेत आहेत. शेतकरी आंदोलनाच्या मुद्द्यावरू सरकारच्या भूमिकेला पाठिंबा दिल्यानंतर अजयवर सोशल मीडियाच्या माध्यमातून खूप टीका झाली होती. त्यानंतर काही दिवसांपूर्वीच मुंबईमध्ये नावाच्या एका तरुणानं त्याची कार रोखत शेतकरी आंदोलनाबाबत सरकारचा पाठिंबा देणाऱ्या त्याच्या ट्वीटवरून त्याला सुनावलं होतं. ज्याची सोशल मीडियावर जोरदार चर्चा झाली एवढंच नाही तर त्या तरूणावरही कारवाई करण्यात आली होती. त्यानंतर आता पुन्हा एकदा ट्विटरवर अजय देवगणच्या विरोधात 'अजय देवगण कायर है' हा हॅशटॅग ट्रेंड होत आहे. गोरेगाव फिल्मसिटीमध्ये मंगळवारी अजय देवगण चित्रीकरणासाठी कारमधून जात होता. फिल्म सिटीजवळच असलेल्या संतोषनगर नाल्याजवळ वाहतूक कोंडीमुळे त्याची कार थांबली. कारच्या शेजारी असलेल्या रिक्षामध्ये राजदीप बसला होता. कारमध्ये अजय देवगण असल्याचे पाहून तो रिक्षातून उतरला आणि कारसमोर आला. 'कृषी कायद्याविरोधात दिल्लीमध्ये अनेक दिवसांपासून आंदोलन सुरू आहे. या आंदोलनाला जगभरातील सेलिब्रेटींनी पाठिंबा दिला आहे. तू शांत का आहेस? तू देखील शेतकरी आंदोलनाबाबत काही तरी बोल', असे मोठमोठ्याने बोलत त्याने गाडी रोखून धरली. अनेकदा समजावून सांगूनही राजदीप बाजूला होत नसल्याचे पाहून अजयच्या अंगरक्षकांनी पोलिसांना बोलवले. दिंडोशी पोलिसांनी राजदीप सिंग या तरुणाला अटक केली होती. पण आता त्याला जामिन मिळाला असून त्याची सुटका झाली आहे. राजदीपला इंडियन पीनल कोड कलम ५०४ आणि ५०६ अंतर्गत गुन्हा दाखल करून अटक करण्यात आली होती. दरम्यान राजदीपला अटक झाल्यानंतर सोशल मीडियावरून अनेकांनी अजय देवगणवर नाराजी व्यक्त केली आणि अचानक ट्विटरवर 'अजय देवगन कायर है' हा हॅशटॅग ट्रेंड होऊ लागला. राजदीपला अटक केल्यानंतर अनेक युझर्सनी हा हॅशटॅग वापरत अजय देवगणच्या भूमिकेवर नाराजी व्यक्त केली आहे. आंतरराष्ट्रीय पॉप स्टार रिहानानं देशातील शेतकरी आंदोलनाबाबत ट्वीट करत शेतकऱ्यांना पाठिंबा दिल्यानंतर अनेक बॉलिवूड सेलिब्रेंटींनी भारताबाबत चुकीचा संदेश देशात पसरवला जात असल्याचं म्हणत सरकारच्या भूमिकेला पाठिंबा देणारी ट्वीट केली होती. ज्यात अजय देवगणचा सुद्धा समावेश होता. अजयच्या याच ट्वीटवरून राजदीपनं त्याची कार थांबवत आपला राग व्यक्त केला होता. अजय देवगण संजय लीला भन्साळी यांच्या 'गंगूबाई काठियावाडी' या चित्रपटाच्या शूटिंगला जात असताना ही घटना घडली होती. आलिया भट्टची मुख्य भूमिका असलेल्या 'गंगूबाई काठियावाडी' या चित्रपटात अजय देवगण सुद्धा महत्त्वपूर्ण भूमिकेत दिसणार आहे. हा चित्रपट येत्या ३० जुलैला रिलीज होणार आहे. याव्यतिरिक्त त्याचे 'भुज द प्राइड ऑफ इंडिया' आणि 'मैदान' हे चित्रपट लवकरच प्रेक्षकांच्या भेटीला येत आहेत.
from Marathi Bollywood News, Marathi Cinema News https://ift.tt/3cbsylt
