मुंबई: ग्लोबल स्टार मागच्या काही दिवसांपासून तिचं पुस्तक आणि आगामी प्रोजेक्टमुळे चर्चेत आहे. आपल्या पुस्तकात प्रियांकान तिच्या आतापर्यंतच्या आयुष्याबाबत अनेक खुलासे केले आहे. पण नुकत्याच प्रियांकानं ओप्रा विन्फ्रेला दिलेल्या मुलाखतीत प्रियांकानं पती निक जोनससोबतच्या तिच्या नात्यावर मनमोकळेपणानं भाष्य केलं. या मुलाखतीत प्रियांकानं सुरुवातीला ती निकला काय समजत होती आणि नंतर त्याच्याबाबतचं तिचं मत कसं बदललं याबाबात सांगितलं. प्रियांका म्हणाली, मी निकला एखाद्या पुस्तकाबाबत त्याच्या कव्हरवरून जसा अंदाज लावतो त्याप्रमाणे समजण्याचा मी प्रयत्न केला होता. सुरुवातीला मी त्याच्याबाबतीत गंभीर नव्हते. त्याला जास्त महत्त्व दिलं नव्हतं. जेव्हा निकनं माझ्याशी संपर्क करण्याचा प्रयत्न केला त्यावेळी मी ३५ वर्षांची होते. मला लग्न करायचं होतं. आई व्हायचं होतं. निक त्यावेळी २० वर्षांचा होता आणि माझ्यापेक्षा खूपच लहान होता. प्रियांका पुढे म्हणाली, 'या सर्व कारणांमुळे मी सुरुवातीला त्याचे मेसेज गंभीरपणे घेतले नव्हते. पण नंतर त्याच्याशी मैत्री केल्यावर, थोडा वेळ एकत्र घालवल्यानंतर मला जाणवलं की त्याच्याकडे किती आत्मविश्वास आणि संवेदनशीलता आहे. तो माझं यश, माझी महत्त्वाकांक्षी स्वप्न याबाबत खूप उत्साही होता.' ओप्रा विन्फ्रेच्या प्रियांका चोप्रासोबतच्या मुलाखतीच्या पहिल्या भागाचा व्हिडीओ प्रसारित झाल्यानंतर चाहत्यांना आता उर्वरित मुलाखतीबाबत कमालीची उत्सुकता आहे. प्रियांका चोप्रा आणि यांनी जवळपास २ वर्षं एकमेकांना डेट केलं होतं. २०१७च्या सुरुवातीला या दोघांची पहिली भेट वॅनिटी फेअर ऑस्कर पार्टीमध्ये झाली होती आणि हे दोघंही २०१८ च्या अखेरीस लग्नाच्या बेडीत अडकले. आपल्या अनफिनिश्ड या पुस्तकात प्रियांकानं तिच्या आणि निकच्या नात्याबद्दल सविस्तर लिहिलं आहे.
from Marathi Bollywood News, Marathi Cinema News https://ift.tt/3r2ewrr
