मुंबई ः उद्योगपती मुकेश अंबानी यांच्या घराबाहेर एका गाडीमध्ये स्फोटके सापडल्याप्रकरणात राष्ट्रीय तपास यंत्रणेने महाराष्ट्र पोलिस अधिकारी सचिन वाझे यांना अटक केली आहे. त्यानंतर महाराष्ट्र सरकारने मुंबई पोलिस कमीशनर यांची या पदावरून हकालपट्टी केली. त्यानंतर परमबीर सिंह यांनी एका पत्राद्वारे गृहमंत्री यांच्यावर कोट्यवधी रुपये गोळा करण्याचे आदेश वाझे यांना दिल्याचा खळबळजनक केला आहे. आता या वादामध्ये हिने वादग्रस्त वक्तव्य केले आहे. राज्यसरकारवर टीका केल्यामुळे मला लक्ष्य केले राजकीय घडामोडींवर कंगना नेहमी तिच्या अंदाजत काही ना काही तरी खळबळजनक भाष्य नेहमीच करत असते. सध्या राज्यात सुरू असलेल्या राजकीय घडामोडींवर देखील तिने ट्विट करत भाष्य केले आहे. ती म्हणते, 'मी जेव्हा महाराष्ट्र राज्य सरकारवर टीका केली होती तेव्हा माझ्यावर सर्वांनीच टीका करत मला शिव्यांची लाखोली वाहत मला धमकी दिली होती. मी विरोध केला तेव्हा माझे या शहराबद्दल असलेल्या या प्रेमावरून संशय घेण्यात आला होता. यामुळे खूप रडले. त्या लोकांनी बेकायदेशिरपणे माझे घर पाडले तेव्हा अनेक लोकांनी आनंद व्यक्त केला होता.' मी हरामखोर नाही खरी देशभक्त कंगना तिच्या दुस-या ट्विटमध्ये म्हणते, ' येत्या काही दिवसांत हे लोक पूर्णपणे उघड पडणार आहेत. मी खंबीरपणे यांच्याविरोधात उभी आहे कारण माझ्या अंगात शूरवीर राजपूतांचे रक्त आहे. या राजपूत रक्तामध्ये देशाबद्दल समर्पण आणि खरे प्रेम असते, हे माझ्यात आणि माझ्या कुटुंबात आहे. मी हरामखोर नाही तर, खरी देशभक्त आहे.' कंगना आणि शिवसेना वाद अभिनेता सुशांत सिंह राजपूत याच्या आत्महत्येनंतर कंगनाने संपूर्ण फिल्म इंडस्ट्रीबरोबरच आणि मुंबई पोलिसांवर आरोप केला होता. हा आरोप करताना मुंबई शहराची तुलना पाकव्याप्त काश्मिरसोबत केली आणि मुंबई पोलिसांची तुलना अतिरेक्यांशी केली होती. यावरून सत्तारुढ शिवसेना आणि कंगना यांच्यात पराकोटीचे वाद झाले होते. आता पुन्हा एकदा कंगनाने महाराष्ट्र सरकारवर कडाडून टीका केली आहे.
from Marathi Bollywood News, Marathi Cinema News https://ift.tt/3cWD7sT
