मुंबई- प्रसिद्ध बॉलिवूड अभिनेत्री यांची मुलगी असलेली आज ६ मार्च रोजी तिचा २४ वा वाढदिवस साजरा करत आहे. या प्रसंगी तिला तिच्या आईची प्रचंड आठवण येत असून श्रीदेवी यांच्या आठवणीने ती भावुक झाली आहे. जान्हवीने २०१८ साली 'धडक' या चित्रपटातून बॉलिवूडमध्ये पदार्पण केलं होतं. परंतु, त्याच वर्षी फेब्रुवारी महिन्यात श्रीदेवी यांचं अपघाती निधन झाल्याने आईची आपल्याला मोठ्या पडद्यावर पाहायची इच्छा अपुरी राहिल्याची खंत जान्हवीला सतावत असते. श्रीदेवी यांची इच्छा होती की त्यांच्या मुलीने मोठ्या पडद्यावर राज्य करावं. जान्हवीदेखील आईप्रमाणे होण्याची इच्छा मनात बाळगून आहे. परंतु आज वाढदिवसादिवशी तिने तिच्या मनातली आणखी एक इच्छा बोलून दाखवली. जान्हवी सध्या तिचा आगामी चित्रपट 'रूही' चं प्रमोशन करण्यात व्यग्र आहे. तिचा हा चित्रपट ११ मार्च रोजी चित्रपटगृहात प्रदर्शित होणार असून त्यात अभिनेता राजकुमार राव आणि वरुण शर्मा मुख्य भूमिकेत आहेत. एका मुलाखतीत सांगितल्याप्रमाणे, ती तिचा वाढदिवस अत्यंत सध्या पद्धतीने साजरा करणार आहे. परंतु तिने एक खास इच्छा व्यक्त केली आहे. तिने म्हटलं, 'मला फक्त एक अभिनेत्री म्हणून पुढे जायचं नाहीये तर मला स्वतःला देखील सुधारायचं आहे. मला जास्तीत जास्त संधी मिळाव्यात जेणेकरून मी माझ्यातील कलागुणांना प्रेक्षकांसमोर आणू शकेन. मी स्वतःचा शोध घेऊ इच्छिते. दुनियेला अजून जास्त चांगलं समजून घेऊ इच्छिते.' यासोबतच तिने म्हटलं की, ती असं काहीतरी करून दाखवू इच्छिते जेणेकरून तिच्या कुटुंबाला तिचा अभिमान वाटेल. ती तिच्या कामाने प्रत्येकाचं मन जिंकू इच्छिते. जान्हवीने यापूर्वीही सांगितलं की, श्रीदेवीने जान्हवीच्या बॉलिवूड पदार्पणापूर्वी तिला सांगितलं होतं की, एक कलाकार म्हणून तिने स्वतःवर जास्तीत जास्त काम केलं पाहिजे. स्वतःला शोधलं पाहिजे. 'रूही' चित्रपटाच्या प्रदर्शनाबाबत तिने म्हटलं की, ती या चित्रपटाबाबत खूप घाबरलेली आहे. प्रेक्षकांना तिला पुन्हा एकदा मोठ्या पडद्यावर पाहायला आनंद वाटला पाहिजे.
from Marathi Bollywood News, Marathi Cinema News https://ift.tt/3rrNsTC
