मुंबई: बॉलिवूड अभिनेता सोशल मीडियावर खूप सक्रिय असतो. तो नेहमीच फोटो आणि व्हिडीओ इन्स्टाग्रामवर शेअर करतो. काही दिवसांपूर्वी त्यानं शेअर केलेल्या बाइक रायडिंगच्या व्हिडीओमुळे मुंबई पोलिसांनी त्याच्यावर कारवाई करत दंड वसूल केला होता. कारण या व्हिडीओमध्ये हेल्मेट न घालता तो बाइक चालवताना दिसला होता. त्यानंतर विवेकनं अनेक मजेदार व्हिडीओ सोशल मीडियावर शेअर केले होते. पण आता त्याचा आणखी एक व्हिडीओ सोशल मीडियावर व्हायरल होताना दिसत आहे. विवेक ओबेरॉयनं त्याच्या इन्स्टाग्रामवर एक व्हिडीओ शेअर केला आहे. ज्यात विवेक नाश्ता करण्यासाठी टेबलवर बसला आणि तो नाश्ता सर्व होण्याची वाट पाहत आहे. यावेळी वेटर त्याला पांढऱ्या कपड्याखाली झाकून काहीतरी सर्व करतो. विवेकला वाटतं की, त्याने ऑम्लेट आणलं आहे. पण जसं तो हा कपडा बाजूला करतो तर त्याखाली ऑम्लेटच्या जागी हेल्मेट असल्याचं दिसतं. ऑम्लेटच्या जागी हल्मेट पाहिल्यावर विवेक सुद्धा चकित होतो. विवेकनं हा व्हिडीओ इन्स्टाग्रामवर शेअर केला आहे आणि त्याला एक मजेदार कॅप्शन सुद्धा दिलं आहे. त्यानं लिहिलं, 'तुमच्या डोक्याचं ऑम्लेट होण्यापासून वाचवायचं असेल तर मग गाडी चालवताना हेल्मेट घालणं गरजेच आहे.' या व्हिडीओच्या माध्यमातून विवेकनं हटके पद्धतीनं चाहत्यांमध्ये हेल्मेटबद्दल जागरुकता पसरवण्याचं काम केलं आहे. व्हॅलेन्टाइन डेच्या रात्री विवेक ओबेरॉय बायकोसोबत बाइक राइडसाठी निघाला होता. ज्याचा एक व्हिडीओ त्यानं इन्स्टाग्रामवरही शेअर केला. पण या व्हिडीओत बाइक चालवताना त्यानं हेल्मेट न घातल्याचं दिसत आहे. ज्यामुळे मुंबई पोलिसांनी त्याच्यावर कारवाई करत त्याला ५०० रुपये दंड भरायला लावला होता.
from Marathi Bollywood News, Marathi Cinema News https://ift.tt/30kuiTD
