मुंबई: अभिनेत्री प्रसिद्ध फोटोग्राफर रोहन श्रेष्ठाला डेट करत असल्याच्या चर्चा मागच्या काही दिवसांपासून सुरू आहे. ६ मार्चला रात्री रोहन श्रेष्ठाच्या वाढदिवसाची पार्टी मुंबईतील एका हॉटेलमध्ये ठेवण्यात आली होती. ज्यासाठी श्रद्धा कपूर सुद्धा उपस्थित असलेली पाहायला मिळाली. या पार्टीसाठी जात असतानाचे श्रद्धाचे फोटो सध्या सोशल मीडियावर व्हायरल होताना दिसत आहेत. रोहन श्रेष्ठाच्या बर्थडेसाठी श्रद्धानं पॅरट ग्रीन आणि शिमरी ब्लॅक ड्रेस घातला होता. या आऊटफिट्समध्ये श्रद्धा खूपच ग्लॅमरस दिसत होती. तर दुसरीकडे मात्र या पार्टीसाठी कॅज्युअल वेअरमध्ये दिसला. त्यानं ब्लॅक टी-शर्ट, चेक्स शर्ट आणि ब्लू डेनिम घातली होती. सोशल मीडियावर श्रद्धा आणि रोहनचे हे फोटो सध्या चर्चेचा विषय ठरत आहेत. रोहन श्रेष्ठाच्या या बर्थ डे पार्टीसाठी अन्य कलाकारांसोबतच अभिनेता रणवीर सिंग सुद्धा पोहोचला होता. त्यानं ब्लू डेनिम आणि फंकी रेड-ग्रीन जॅकेट घातलं होतं. त्याचा हा हटके लुक सुद्धा सोशल मीडियावर व्हायरल झाला आहे. रोहन आणि रणवीर बालपणीचे मित्र आहे. रणवीरनं इन्स्टाग्रामवर रोहनसोबतच एका जुना फोटो शेअर करत त्याला वाढदिवसाच्या शुभेच्छा दिल्या आहेत. वाढदिवसाची पार्टी संपल्यानंतर श्रद्धा आणि रोहन एकाच कारमधून घरी जाताना दिसले. या आधीही श्रद्धा आणि रोहन मालदीवमध्ये प्रियांक शर्मा आणि शाजा मोरानी यांच्या लग्नात एकत्र दिसले होते. एवढंच नाही तर त्या ठिकाणी झालेल्या श्रद्धाच्या वाढदिवसाच्या सेलिब्रेशनचे व्हिडीओ आणि फोटो सोशल मीडियावर व्हायरल झाले होते ज्यात या दोघांचा रोमँटिक अंदाज पाहायला मिळाला होता.
from Marathi Bollywood News, Marathi Cinema News https://ift.tt/30lPXeo
