मुंबई- वेगवेगळ्या ठिकाणी फिरायला कोणाला नाही आवडत? आपण प्रवासाला जाणार म्हटल्यावर तिथल्या चांगल्याशा आणि सुंदर हॉटेलमध्ये रूम बुक करतो. काही जणांना तर फार्महाऊसवर जायला प्रचंड आवडतं. तिथे जाण्याचे, राहण्याचे आणि खाण्याचे पैसे जरी जास्त असले तरी त्यातून मिळणाऱ्या आनंदापुढे पैसे गौण ठरतात. त्यात जर ते एखाद्या कलाकाराचं घर असेल तर? कलाकारांच्या घरांसारख्या घरात राहणं अनेकांचं स्वप्न असतं. मग जर आम्ही तुम्हाला म्हटलं की तुमचं हे स्वप्नदेखील आता चुटकीसरशी पूर्ण होऊ शकतं तर? हो. बॉलिवूड अभिनेत्री मंदिरा बेदीने तिचं आलिशान घर प्रवाशांसाठी खुलं केलं आहे. तिचं घर भाड्याने देण्याचा निर्णय तिने घेतलाय. मंदिराने तिच्या घराचे काही फोटो एअरबीएनबी वर पोस्ट केलं आहे. जिथे जाऊन तुम्ही घराची माहिती घेऊ शकता. मंदिराचं हे घर मड आयलॅण्डवर असून ते अत्यंत सुंदररित्या सजवलेलं आहे. या घराला चार बेडरूम असून पाच बाथरूम आहेत. काही दिवसांपूर्वी मंदिराच्या या घराची सोशल मीडियावर बरीच चर्चा झाली होती. नुकतंच तिने घराचं रेनोवेशन करून घेतलं आहे. तिच्या घरात एक मोठा स्विमिंग पूलदेखील आहे. मुळात हे घर सोयीस्कर सुट्ट्या घालवण्याच्या दृष्टीने बनवण्यात आलं आहे. तिचं घर हे अगदी समुद्रालगत असून तिथून सूर्यास्ताचं अत्यंत सुंदर दृश्य दिसतं. याघरात राहण्यासाठी तुम्ही घराला रेन्टवर घेऊ शकता. मंदिराच्या या घरात थांबण्यासाठी एका रात्रीचे जवळपास ४२ हजार रुपये द्यावे लागतील. मंदिरा आता टीव्ही शो किंवा चित्रपटांत फारशी दिसत नसली तरी ती सोशल मीडियावर अत्यंत सक्रिय असते. ती तिचे व्यायाम करतानाचे फोटो आणि व्हिडीओ चाहत्यांसोबत शेअर करत असते. तिने नुकताच पिवळ्या बिकिनीमधला फोटो चाहत्यांसोबत शेअर केला होता. चाहत्यांनीदेखील तिचं कौतुक केलं होतं. मंदिराने 'दिलवाले दुल्हनिया ले जायेंगे' या चित्रपटात प्रीतोची भूमिका साकारली होती. प्रेक्षकांनी तिचं कौतुक केलं होतं.
from Marathi Bollywood News, Marathi Cinema News https://ift.tt/3v0nI2Q
