मुंबई- दाक्षिणात्य चित्रपटसृष्टीतील एक नावाजलेला अभिनेता म्हणून महेश बाबूचं नाव घेतलं जातं. त्याने त्याच्या दर्जेदार अभिनयाने प्रेक्षकांची मनं जिंकली आहेत. आजपर्यंत त्याने अनेक हिट चित्रपट दिले. त्याच्या चाहत्यांची संख्यादेखील प्रचंड आहे. महेशने त्याच्या कामातून स्वतःला सिद्ध केलं आहे यासोबतच तो त्याच्या साध्या वागण्यामुळेही प्रेक्षकांमध्ये प्रसिद्ध आहे. लवकरच त्याच्या एक आगामी चित्रपट प्रदर्शित होणार आहे. महेश तसा नेहमी चर्चेत असतो पण तो आज एका निराळ्या कारणामुळे चर्चेत आहे. त्याने स्वतःलाच एक अतिशय सुंदर अशी भेटवस्तू दिली आहे ज्यामुळे त्याच्या चाहत्यांनाही आश्चर्य वाटलंय. चित्रपटातून प्रेक्षकांना भुरळ घालणाऱ्या अभिनेत्याने स्वतःला एक व्हॅनिटी व्हॅन गिफ्ट केली आहे. या व्हॅनची किंमत ऐकून त्याच्या चाहत्यांना धक्का बसला आहे. या व्हॅनमुळे महेशची सर्वत्र चर्चा सुरू आहे. महेशने स्वतःसाठी तब्बल ६.५ कोटी रुपयांची व्हॅनिटी व्हॅन तयार करून घेतली आहे. जेव्हापासून त्याच्या चाहत्यांना या व्हॅनबद्दल समजलं आहे, ते त्याचं कौतुक करत आहेत. त्याची ही व्हॅन बॉलिवूडचा प्रसिद्ध अभिनेता शाहरुख खानच्या व्हॅनिटी व्हॅनपेक्षाही महाग आहे. असं असलं तरी महेशपेक्षाही महाग सुपरस्टार अल्लू अर्जुनची व्हॅनिटी व्हॅन आहे. अल्लुच्या व्हॅनची किंमत जवळपास ७ कोटी रुपये इतकी आहे. सूत्रांच्या माहितीनुसार, महेशने ही व्हॅन त्याच्या आवडीनुसार बनवून घेतली आहे. ज्यात एक सुंदर बेडरूम आहे. एक छोटंसं स्वयंपाक घर आणि व्यायाम करण्यासाठी जिमदेखील आहे. ही व्हॅन म्हणजे चार पायांवर धावणारं एक चालतं फिरतं घरच आहे. याशिवाय त्यात अँटीनावर चालणार टीव्हीदेखील असणार आहे. जिथेही जाईल हे घर त्याच्या सोबत जाईल. महेशची ही महागडी व्हॅनिटी व्हॅन आता इतर कलाकारांच्या यादीत आली आहे. महेशच्या प्रोडक्शन हाऊसची निर्मिती असलेला 'मेजर' हा चित्रपट लवकरच प्रदर्शित होणार आहे. हा चित्रपट २ जुलै २०२१ रोजी प्रदर्शित होणार असून ताज हॉटेलवर झालेल्या दहशतवादी हल्ल्यात शाहिद झालेल्या मेजर संदीप उन्नीकृष्णन यांच्यावर आधारित आहे.
from Marathi Bollywood News, Marathi Cinema News https://ift.tt/30ooGbh
