मुंबई: महाराष्ट्रात करोना व्हायरसचं संक्रमण पुन्हा एकदा वाढताना दिसत आहे. अनेक बॉलिवूड सेलिब्रेटींनाही करोना झाल्याचं समोर आलं आहे. अशात लोकांना सातत्यानं काळजी घेण्याचं आणि करोनाच्या नियमांचं पालन करण्याचं आव्हान केलं जात आहे. पण नुकताच दिग्दर्शक आणि डान्स कोरिओग्राफर फराह खानचा एक व्हिडीओ सोशल मीडयावर व्हायरल होताना दिसत आहे. ज्यात ती आंबे खरेदी करताना दिसत आहे. पण यावेळी तिनं असं काही केलं ज्यामुळे तिला ट्रोल केलं जात आहे. सोशल मीडियावर व्हायरल झालेल्या या व्हिडीओमध्ये आंबे खरेदी करताना दिसत आहे. यावेळी फराह ग्रे कलरची लोअर आणि टीशर्ट अशा कॅज्युअल अवतारात दिसली. तिनं मास्क सुद्धा लावला आहे. ती रस्त्यावरील एका आंबे विक्रेत्याकडे जाऊन किंमत विचारताना दिसते आणि त्याला चांगले आंबे देण्यासाठी सांगते. त्यानंतर फराह एक-दोन आंबे उचलते आणि मास्क काढून त्याचा वास घेताना दिसते. कंगनाचा हा व्हिडीओ सोशल मीडियावर व्हायरल झाल्यानंतर युझर्सनी तिला ट्रोल करण्यास सुरुवात केली. करोनाचं वाढतं संक्रमण पाहता फराहचा मास्क काढून फळांचा वास घेण्याचा हा निष्काळजीपणा लोकांना अजिबात आवडलेला नाही आणि त्यांनी तिला ट्रोल करण्यास सुरुवात केली. फराहचा हा व्हिडीओ प्रसिद्ध सेलिब्रेटी फोटोग्राफर विरल भयानी यांनी सोशल मीडियावर शेअर केला आहे. फराहच्या व्हिडीओवर कमेंट करताना एका युझरनं लिहिलं, 'मास्क काढून आंब्यांचा वास कोण घेतं कोविडचं संक्रमण होत असताना आणि तेही महाराष्ट्रात. कॉमन सेन्स विकून आंबे खरेदी केले का?' दुसऱ्या एका युझरनं लिहिलं, 'अखेर इन्फेक्शन नाकापर्यंत पोहोचलंच' तर आणखी एका युझरनंही फराहवर टीका करताना लिहिलं, 'असंच वागायचं तर मग मास्क वापरण्याचा फायदाच काय आहे.' फराह खान बॉलिवूडची प्रसिद्ध डान्स कोरिओग्राफर असण्यासोबतच एक उत्तम दिग्दर्शक सुद्धा आहे. तिनं 'हॅप्पी न्यू ईयर', 'ओम शांति ओम', 'तीस मार खान' सारख्या चित्रपटांचं दिग्दर्शन केलं आहे. या व्यतिरिक्त तिनं १०० पेक्षा जास्त गाण्यांसांठी डान्स कोरिओग्राफी सुद्धा केली आहे. पर्सनल लाइफबद्दल सांगायचं तर तिनं शिरिष कुंदरशी लग्न केलं होतं आणि त्यांना तीन मुलं सुद्धा आहेत.
from Marathi Bollywood News, Marathi Cinema News https://ift.tt/3fa5UNa
