मुंबई: बॉलिवूड अभिनेत्री जान्हवी कपूरनं काही दिवसांपूर्वीच वाढदिवस साजरा केला. जान्हवी मागच्या काही दिवसांपासून तिचा आगामी चित्रपट 'रूही'मुळे चर्चेत आहे. सध्या ती या चित्रपटाचं जोरदार प्रमोशन करताना दिसत आहे. ज्यामुळे तिनं वाढदिवसाचं सेलिब्रेशन सुद्धा मुंबईच्या बाहेर केलं. पण आता जान्हवी मुंबईमध्ये परतली असून एअरपोर्टवरील तिचा एक व्हिडीओ सध्या सोशल मीडियावर व्हायरल होताना दिसत आहे. ज्यात जान्हवीचा मॅनेजर तिच्या चाहत्यावर ओरडताना दिसत आहे. सोशल मीडियावर व्हायरल झालेल्या या व्हिडीओमध्ये मुंबई एअरपोर्टवरून बाहेर दिशेला जाताना दिसत आहे. त्यावेळी काही चाहते तिच्यासोबत फोटो क्लिक करण्यासाठी पुढे येतात. त्यातील एक चाहता जेव्हा जान्हवीसोबत फोटो काढण्याचा प्रयत्न करत होता त्याच वेळी तिच्या मॅनेजरनं रागात या चाहत्याचा मोबाईल काढून घेण्याचा प्रयत्न केला. पण जान्हवीनं मात्र ही परिस्थिती अगदी शांतपणे हाताळली. तिनं थांबून त्या चाहत्यासोबत सेल्फी क्लिक केला आणि त्यानंतर तिथून निघून गेली. याव्यतिरिक्त जान्हवीचा आणखी एक व्हिडीओ सध्या सोशल मीडियावर व्हायरल होताना दिसत आहे. ज्यात ती एअरपोर्टवर केक कापताना दिसत आहे. पॅपराझी फोटोग्राफर्सनी जान्हवीच्या वाढदिवसासाठी केक आणला होता. त्यानंतर जान्हवीनं त्यांच्यासोबत पोझ दिली. या दरम्यान एका फोटोग्राफरनं तिला गुलाबांचा पुष्पगुच्छ दिला. जो तिनं स्वतःकडे ठेवून घेतला. जान्हवीच्या वर्कफ्रंटबद्दल बोलायचं तर ती शेवटची 'गुंजन सक्सेना: द कारगिल गर्ल' या चित्रपटात दिसली होती. हा चित्रपट नेटफ्लिक्सवर रिलीज झाला होता. त्यानंतर आता ती 'रूही' या हॉरर-कॉमेडी चित्रपटातून प्रेक्षकांच्या भेटीला येणार आहे. या चित्रपटात तिच्यासोबत वरुण शर्मा आणि राजकुमार राव यांच्या महत्त्वपूर्ण भूमिका आहेत. हा चित्रपट येत्या ११ मार्चला रिलीज होणार आहे. या व्यतिरिक्त तिच्याकडे 'दोस्ताना २' आणि 'गुड लक जेरी' हे दोन चित्रपट आहेत.
from Marathi Bollywood News, Marathi Cinema News https://ift.tt/30lDGqn
