मुंबई: बॉलिवूडच्या रोमँटिक जोड्याबद्दल बोलायचं झालं तर त्यात आणि यांचं नाव आवर्जुन घेतलं जाईल. या दोघांमध्ये खूप चांगलं बॉन्डिंग आहे आणि हे त्यांच्या सोशल मीडिया पोस्टमधून दिसून येतं. मीरा नेहमीच पती शाहिदसोबतचे फोटो आणि व्हिडीओ तिच्या इन्स्टाग्रामवर शेअर करताना दिसते. आताही तिनं शाहिदचा एक व्हिडीओ इन्स्टाग्रामवर शेअर केला आहे. ज्यात हे दोघंही पूर्ण करताना दिसत आहेत. मीरा राजपूतनं इन्स्टाग्रामवर शेअर केलेल्या या व्हिडीओमध्ये ती शाहिदसोबतच ग्रॅव्हिटी चॅलेंज करताना दिसत आहे. खरं तर सध्या सोशल मीडियावर हे चॅलेंज ट्रेंडमध्ये आहे. अशात मीरानं शाहिदला हे ग्रॅव्हिटी चॅलेंज दिलं होतं आणि तिला वाटलं होतं की शाहिद हे चॅलेंज पूर्ण करू शकणार नाही. पण शाहिदनं हे चॅलेंज अगदी सहजपणे पूर्ण केलं. शाहिदसोबत ग्रॅव्हिटी चॅलेंज पूर्ण करतानाचा व्हिडीओ आपल्या इन्स्टाग्रामवर शेअर करताना मीरानं लिहिलं, 'चॅलेंजसाठी नेहमीच तयार. मिस्टर कपूर तुम्ही तर स्मूद ऑपरेटर आहात. अगदी सहजपणे तुम्ही हे चॅलेंज पूर्ण केलं. कमाल आहे.' मीरा आणि शाहिदचा हा व्हिडीओ सध्या सोशल मीडियावर खूप व्हायरल होताना दिसत आहे. शाहिदच्या वर्कफ्रंटबद्दल बोलायचं तर तो शेवटचा 'कबीर सिंह' चित्रपटात दिसला होता. त्याचा हा चित्रपट साउथच्या 'अर्जुन रेड्डी' चित्रपटाचा हिंदी रिमेक होता. जो बॉक्स ऑफिसवर तुफान चालला. लवकरच शाहिद 'जर्सी' या चित्रपटातून प्रेक्षकांच्या भेटीला येणार आहे. ज्यात मृणाल ठाकूर आणि पंकज कपूर यांच्या महत्त्वपूर्ण भूमिका आहेत. या चित्रपटात शाहिद एका क्रिकेटरच्या भूमिकेत दिसणार आहे.
from Marathi Bollywood News, Marathi Cinema News https://ift.tt/3bsK0CO
