मुंबई ः बिग बॉस कार्यक्रम संपला तरी देखील यातील स्पर्धक आजही प्रेक्षकांच्या मनात आहेत. यातील काही स्पर्धक म्युझिक व्हिडीओमध्ये काम करताना दिसत आहे, तर काही जण मिळून शानदार पार्टी करताना दिसत आहेत. बिग बॉस १४ मधील रनरअप कार्यक्रम संपल्यानंतरही चर्चेत आहेत. भलेही ही स्पर्धा रुबीना हिने जिंकली असली तरी राहुलने सलमान खानच्या मन मात्र नक्की जिंकले आहे. त्यामुळेच त्याला सलमानकडून एक छानसे गिफ्ट मिळाले आहे... सलमानने राहुल याला दिलेल्या गिफ्टची सोशल मीडियावर चांगलीच चर्चा आहे. काय दिले सलमानने? राहुलने त्याच्या सोशल मीडियावर सलमानने त्याला दिलेले हे स्पेशल गिफ्टचे फोटो शेअर केले आहेत. हे फोटो सोशल मीडियावर मोठ्या प्रमाणात व्हायरल झाले आहेत. सलमानने दिलेले हे गिफ्ट राहुलला आणि त्याच्या चाहत्यांना तर पसंद पडले आहे. हे अनोखे गिफ्ट दिल्याबद्दल सलमानचे राहुलने मनापासून आभार मानले आहे. तो लिहितो, 'अखेर सलमान खान यांच्याकडून गिफ्ट म्हणून मिळालेली ही ई-बाईक चालवली. हा अनुभव अतिशय भन्नाट होता. या बाईकवरून कार्डियो करायला खूपच आवडले आहे.' अशा पद्धतीने गर्लफ्रेंडला घातली मागणी बिग बॉस च्या १४ व्या सिझनमध्ये राहुल वैद्य सर्वात चर्चेत असलेला स्पर्धक होता. या कार्यक्रमात राहुलचे वैयक्तिक आयुष्य आणि त्याची गर्लफ्रेंड दिशा परमार हिच्यावरून खूप चर्चा झडल्या होत्या. अखेर राहुलने टिव्हीवरूनच आपली गर्लफ्रेंड दिशा हिला मागणी घेतली होती. त्यानंतर तिने राहुलला होकार दिला आहे. आता राहुलचे चाहते त्यांचे लग्न कधी होणार याची उत्सुकतेने वाट बघत आहेत.
from Marathi Bollywood News, Marathi Cinema News https://ift.tt/3lFtwdQ
