मुंबई- बॉलिवूडची लोकप्रिय अभिनेत्री करिना कपूर खान पुन्हा एकदा चित्रपटांच्या चित्रीकरणासाठी सज्ज झाली आहे. तिने २१ फेब्रुवारी रोजी एका गोंडस मुलाला जन्म दिला होता. त्यानंतर महिन्याभरातच तिने पुन्हा कामावर हजेरी लावली आहे. त्यामुळे नेटकऱ्यांनी तिला अनेक प्रश्न विचारले आहेत. एका महिन्याच्या मुलाला घरी ठेवून चित्रीकरणासाठी येण्याची काय गरज, असं नेटकऱ्यांनी विचारलं आहे. तिच्या या वागण्यामुळे ती सोशल मीडियावर ट्रोल होत आहे. करिनाने दुसऱ्या बाळाच्या जन्मादरम्यान वजन वाढवलं होतं. परंतु, महिन्याभरातच तिच्यात प्रचंड बदल दिसून येत असून तिने एका महिन्यात तब्बल १६ किलो वजन कमी केलं आहे. त्याबद्दल तिने सोशल मीडियावरही हिंट दिली होती. महिन्याभरातच करिनाला चित्रीकरणाला आलेलं पाहून चाहत्यांना आश्चर्याचा धक्का बसला आहे. काहींनी करिनाच्या या वागण्याचं कौतुक केलं आहे. करीनाला कामाची किती आवड आहे याशिवाय एवढ्या कमी वेळात वजन कमी केल्याने ती खूप सुंदर दिसत असल्याचं चाहत्यांनी म्हटलं. तर काहींनी तिच्या वागण्याला नापसंती दर्शवत तिला अजून किती पैसे कमावणार आहेस, असं विचारलं आहे. तैमूरच्या जन्मानंतर देखील करिनाने फक्त तीन महिने आराम केला होता. त्याच्या जन्मानंतर तिने वाढलेलं वजन कमी केलं होतं आणि तीन महिन्यातच चित्रीकरणाला सुरुवात केली होती. यावेळी चित्रीकरणासाठी येताना करिनाने मास्क घातला नसल्याने नेटकऱ्यांनी तिला मास्कबद्दलही विचारणा केली. दोन मुलाची आई असूनही असा निष्काळजीपणा का, असा प्रश्न तिला चाहत्यांनी विचारला आहे. तर इथे अभिनेत्री मास्क घालत नाहीत तर त्यांना कोणताही दंड नाही आणि आम्ही एका सेकंदासाठी काढलेल्या मास्कवर आमच्याकडून दंड का, असही काही नेटकऱ्यांनी विचारलं.
from Marathi Bollywood News, Marathi Cinema News https://ift.tt/3feilaG
