मुंबई: पॉर्न व्हिडीओ शूट प्रकरणात अटक झालेली 'गंदी बात' फेम अभिनेत्री गहना वशिष्ठची तब्येत बिघडली असून तिच्यावर भायखाळा तुरुंगात उपचार सुरू असल्याचं बोललं जात आहे. या तुरुंगातून जामिनावर बाहेर आलेल्या एका महिलेनं दिलेल्या माहितीनुसार अभिनेत्री गहना वशिष्ठची प्रकृती गंभीर असून तिच्यावर तुरुंगातील रुग्णालयात उपचार केले जात आहेत. गहना वशिष्ठचे पब्लिसिस्ट आणि लीगल अफेअर्स हेड फ्लिन रेमेडियोज यांच्याकडे याबाबत विचारणा केली असता, आपल्याला शुक्रवार आणि शनिवारी जामिनावर तुरुंगातून बाहेर आलेल्या २-३ महिला कैद्याचे मेसेज मिळाले. गहना आजारी आहे असं त्यांनी सांगितलं. फ्लिन म्हणाले, 'मला जामिनावर बाहेर आलेल्या महिला कैद्यांकडून माझी क्लायंट उर्फ वंदना तिवारी खूप आजारी असून तिच्यावर तुरुंगातीलच रुग्णालयात उपचार सुरू असल्याची माहिती मिळाली आहे.' गहना वशिष्ठ मुंबई क्राइम ब्रांच आणि मालवणी पोलीस स्टेशनच्या कस्टडीमध्ये असतानाही तिला रोज इन्सुलिनचं इंजेक्शन दिलं जात होतं कारण तिची शुगर लेव्हल नेहमीच ४६०-५०० पेक्षा जास्त असायची. अभिनेत्रीचे पर्सनल फिजिशिअन आणि डायबेटोलॉजिस्ट डॉक्टर प्रणव काबरा यांनी गहनाला प्रत्येक दिवशी इन्सुलिनच्या इंजेक्शनची गरज असते याची माहिती दिली आहे. दरम्यान फ्लिन यांनी सांगितलं की, ज्युडिशिअल कस्टडीमध्ये गहानाची शुगर लेव्हल खूपच जास्त आहे. तिच्या या मेडिकल कंडिशन (diabetic ketoacidosis) मुळे ती कोमामध्ये जाण्याची शक्यताही नाकारता येत नाही. अभिनेत्रीच्या प्रवक्त्यानं सांगितलं की, गहनाला क्रॉनिक डायबेटिसची समस्या आहे. सध्या तिची शुगर लेव्हल खूप जास्त आहे. तिची तब्येत सतत बिघडत आहे. ज्यामुळे आता तिच्यावर तुरुंगातील रुग्णालयात हलवण्यात आलं आहे. मागच्या १८-२४ महिन्यात तिला डायबिटीसमुळे ४ मायनर कार्डिएक अरेस्ट धक्के बसले आहेत. याशिवाय तिला अस्थमाचा त्रासही आहे. गहनाचे पर्सनल डॉक्टर प्रणव काबरा यांनी दिलेल्या माहितीनुसार २०१९ मध्ये गहना एका आठवड्यासाठी व्हेंटिलेटरवर होती. त्यावेळी ती मरणाच्या दारातून परत आली आहे. त्या काळात तिची शुगर लेव्हल ५०० पेक्षा जास्त होती. ज्यावेळी तिला अटक करण्यात आली त्यावेळी तिची शुगर लेव्हल ६०० पेक्षा जास्त होती. तिला लगेचच रुग्णालयात दाखल करण्याची गरज होती. Diabetic ketoacidosis हा एक गंभीर आजार आहे. ज्यामुळे ९८ टक्के लोकांचा मृत्यू होतो. आपली वादग्रस्त विधानं आणि बोल्ड फोटोंमुळे नेहमीच चर्चेत राहणाऱ्या अभिनेत्री गहना वशिष्ठ हिला पॉर्न व्हिडीओ शूट करणे आणि ते आपल्या वेबसाइटवर अपलोड करण्याच्या आरोपाखाली अटक करण्यात आली आहे. मिस आशिया बिकिनीचा किताब जिंकणाऱ्या गहनानं आतापर्यंत अनेक जाहिराती, हिंदी आणि तेलुगू चित्रपटांमध्ये काम केलं आहे.
from Marathi Bollywood News, Marathi Cinema News https://ift.tt/3rwchhk
