मुंबई- आपल्या देशातील संस्कृती, सभ्यता आणि प्रत्येक धर्मात इतकी विविधता आणि सामर्थ्य आहे की बर्‍याच वेळा परदेशी लोकही त्याकडे आकर्षित होतात. अनेकदा बॉलिवूड सेलिब्रिटी मंदिर- मशिदीत जाताना आपण पाहतो, पण हॉलिवूड स्टार्ससुद्धा हिंदू परंपरेला मानतात. याचंच एक उदाहरण म्हणजे हॉलिवूडचा सुपरस्टार आपल्या कुटुंबासमवेत हरिद्वारला मुलाचं पिंडदान करण्यास आले होते. काही वर्षांपूर्वी सिल्वेस्टर यांचा सावत्र भाऊ आपल्या पत्नी आणि इतर कुटुंबीयांसह हरिद्वारला पोहोचले होते. तेथे त्यांनी हिंदू विधींनुसार सिल्वेस्टर यांच्या मुलाचं पिंडदान केलं. या बातमीने तेव्हा जोर पकडला होता जेव्हा त्यांचे हरिद्वारमधले फोटो सोशल मीडियावर व्हायरल झाले होते. २०२१ मध्ये, सिल्वेस्टर यांच्या मुलाचा आकस्मित मृत्यू झाला. असं म्हटलं जातं की, त्यांच्या मुलाचा याचा मृत्यू औषधांच्या अती वापरामुळे झाला. यानंतर सेजचा मृत्यू हृदयविकाराच्या झटक्याने झाल्याचं अधिकृतपणे सांगण्यात आलं होतं. फार लहान वयात सेजचा मृत्यू झाला होता. मुलाच्या अकस्मात निधनाने सिल्वेस्टर पूर्णपणे खचून गेले होते. त्यांच्या स्वप्नात मुलगा सतत यायचा. त्यांना वाटायचं की त्यांचा मुलगा सेज फार अस्वस्थ आहे आणि त्याच्या आत्म्याला शांती मिळाली नाही. त्यांना दररोज रात्री अशीच स्वप्नं पडायची. यामुळे स्वतः सिल्वेस्टर फार बैचेन झाले होते. यानंतर, भारतात ज्या पद्धतीने हिंदू धर्मात एखाद्या व्यक्तीचा मृत्यू झाला तर पिंडदान केलं जातं, त्याचप्रमाणे सेजसाठीही पिंडदान करण्याचा निर्णय त्यांनी घेतला. यानंतर, त्यांचा भाऊ आपल्या कुटुंबातील इतर सदस्यांसोबत भारतात आला आणि त्यांनी हरिद्वार येथे पिंडदान केलं. एवढंच नाही तर त्यांनी आपल्या मुलाच्या आत्म्याशी बोलण्याचाही प्रयत्न केल्याचं बोललं जातं. यासाठी त्यांनी ज्योतिषाचार्य डॉ. प्रितीक मिश्रापुरी यांच्याशी संपर्क साधला होता. येथूनच त्यांना हिंदूंच्या श्राद्ध कर्माबद्दल माहिती मिळाली.
from Marathi Bollywood News, Marathi Cinema News https://ift.tt/3epnFrv
