मुंबई- अभिनेत्री आता राजकारणातही सक्रीय झाल्या आहेत. नुकतेच त्यांना मुंबई विमानतळाच्या मुख्य दरवाजावरच सेंट्रल इंडस्ट्रिअल सिक्युरिटी फोर्स () च्या अधिकाऱ्यांनी आतमध्ये जाण्यापासून अडवले. त्याचा व्हिडीओ सोशल मीडियावर व्हायरल झाला आहे. उर्मिला मातोंडकर यांना का अडवलं सोशल मीडियावर व्हायरल झालेल्या व्हिडीओनुसार जेव्हा उर्मिला मुंबई विमानतळाच्या मुख्य दरवाज्यावर गेल्या, तेव्हा तिथल्या सीआयएसएफच्या अधिकाऱ्यांनी त्यांच्याकडे ओळखपत्र मागितलं. परंतु त्यांच्याकडे कोणत्याही प्रकारचं ओळखपत्र नव्हतं. त्यानंतर त्यांनी आपलं ओळखपत्र मागवून घेतलं. ते ओळखपत्र आल्यानंतर सीआयएसएफच्या अधिकाऱ्याने चेहऱ्यावरील मास्क काढण्यास सांगितले. ओळखपत्र त्यांचेच आहे याची खात्री झाल्यानंतर उर्मिला यांना विमानतळाच्या आत जाण्यास परवानगी देण्यात आली. दरम्यान, हे सर्व सुरू असताना उर्मिला यांनी जो संयम दाखवला तो नक्कीच कौतुकास्पद होता. आपल्या ओळखीचा वापर करून अशा घटनांमधून बाहेर पडण्याचा अनेक सेलिब्रिटी प्रयत्न करताना दिसतात. मात्र उर्मिला यांनी असं काही केलं नाही. हे सर्व सुरू असताना उर्मिला यांनी कोणत्याही प्रकारचा वाद घातला नाही. ही सर्वा प्रकिया सुरू असताना अधिकाऱ्यांना त्यांनी शांतपणे सहकार्य केले. राजकारणात प्रवेश २०१९ मध्ये झालेल्या लोकसभा निवडणुकीच्या आधी उर्मिलान यांनी काँग्रेस पक्षामध्ये प्रवेश केला होता. इतकंच नाही तर त्यांनी लोकसभेसाठी निवडणूकही लढवली होती. मात्र यामध्ये त्यांना पराभव पत्कारावा लागला होता. काँग्रेसच्या कार्यकर्त्यांनी मदत न केल्याचा आरोप करत त्यांनी काँग्रेसला रामराम ठोकत १० सप्टेंबर २०१९ मध्ये शिवसेनेत प्रवेश केला. उर्मिला मातोंडकर यांचे सिनेकरिअर उर्मिला मातोंडकर यांचा जन्म ४ फेब्रुवारी १९७४ मध्ये झाला. बालकलाकार म्हणून त्यांनी आपल्या सिनेकरिअरला मातील करीअरला सुरुवात केली. १९८० मध्ये आलेल्या 'कलयुग' सिनेमात पहिल्यांदा काम केलं. त्यानंतर अभिनेत्री म्हणून त्यांनी १९९१ मध्ये 'नरसिंह' सिनेमात काम केले. ९० च्या दशकात 'रंगीला', 'जुदाई' आणि 'सत्या' सारखे अनेक हिट सिनेमे दिले. २०१६ मध्ये केले लग्न उर्मिला यांनी २०१६ मध्ये काश्मिरी उद्योजक मोहसिन अख्तर मीर याच्याशी लग्न केलं. मोहसिन उर्मिलापेक्षा नऊ वर्षांनी लहान आहे. मोहसिन याने झोया अख्तर दिग्दर्शित लक बाय चान्स या सिनेमातही काम केलं होतं.
from Marathi Bollywood News, Marathi Cinema News https://ift.tt/3cqf5Y0