मुंबई- प्रेम हे वय, जात, पात धर्म हे पाहून केलं जात नाही. तसेच खऱ्या प्रेमाच्या आड गरिबी-श्रीमंती देखील आड येत नाही. मनोरंजन विश्वासंदर्भात बोलायचे झाले तर अनेक अभिनेत्रींनी विवाहित पुरुषांवर प्रेम केले आणि त्यांच्यासोबत लग्न करून सुखाने नांदत आहेत. अशा जोडप्यांपैकी एक म्हणजे आणि आदित्य चोप्रा. या दोघांचे नाते कसे जुळले हे कायम गुलदस्त्यातच राहिले. कारण राणीने कधीही यावर भाष्य केले नाही आणि तर कायमच प्रसारमाध्यमांपासून लांब असतो. राणीवर झाले हे आरोप राणी मुखर्जी जेव्हा आदित्य चोप्रा याच्या आयुष्यात आली तेव्हा तो आधीच विवाहित होता. त्यामुळे या दोघांचे प्रेमप्रकरण पुढे गेले तेव्हा या नात्यांवर अनेकांनी प्रश्न उपस्थित करत त्यांच्यावर टीका केली होती. इतकेच नाही तर राणीने घर तोडले असा आरोपही तिच्यावर झाला होता. परंतु राणीने अशा टीकांवर कोणतेही उत्तर न देता मौन कायम राखले. ...आणि राणी त्यांच्या नात्यावर बोलली राणी आणि आदित्य यांनी २०१४ मध्ये इटलीत जाऊन अगदी मोजक्या लोकांच्या उपस्थित लग्न केले. या लग्नानंतर काही वर्षांनी राणीने एका मुलाखतीमध्ये तिच्या नात्याबद्दल सांगितलं होतं. राणी म्हणाली होती की, ती जेव्हा आदित्यला भेटली तेव्हा त्याचा घटस्फोट झाला होता. त्यामुळेच मी त्याच्यासोबत डेटवर जाऊ लागले. त्यामुळे टीकाकारांनी माझ्यावर केलेले आरोप हे चुकीचे होते. ती पुढे म्हणाली, मी जेव्हा त्याच्यासोबत डेटवर जाऊ लागले तेव्हा तो माझा दिग्दर्शकही नव्हता. एखाद्या दिग्दर्शकाबरोबर काम करताना त्याच्यासोबत डेटवर जाणे ही गोष्ट मला पटणारी नाही. प्रसिद्धीपासून कायमच दूर राणी आणि आदित्य हे खूप वर्ष एकमेकांचे मित्र होते. त्यांच्या या नात्याबद्दल तिने सांगितले की, आमच्या दोघांच्या आयुष्यामध्ये निराशेचा एक टप्पा आला होता. त्यामुळेच आमची मैत्री अधिक घट्ट होत त्याचे रुपांतर प्रेमात झाले. आदित्य हा स्वभावाने अतिशय लाजाळू असून तो लाइमलाइटपासून दूर असतो. त्यामुळेच आमचे नाते मी जाणीवपूर्वक प्रसिद्धीपासून दूर ठेवले. राणी आणि आदित्यची पहिली डेट राणीने आपल्या पहिल्या डेटबद्दल सांगितले की, आदित्यने याबाबत अगदी पारंपरिक पद्धत अवलंबली होती. तो माझ्या घरी आला आणि माझ्या पालकांची त्याने परवानगी मागितली. त्यानंतर आम्ही डेटवर गेलो. माझ्या पालकांना आमच्या नात्याबद्दल काहीच हरकत नव्हती, त्यामुळे आमच्या नात्यावर एकप्रकारे शिक्कामोर्तबच झाले होते. पहिली भेट, करणच्या चित्रपटांत कामाची संधी राणी आणि आदित्य यांनी अनेक प्रोजेक्टवर काम केले आहे. परंतु त्यांची पहिली भेट ही एका रेस्तराँमध्ये झाली होती. तेव्हा राणी या इंडस्ट्रीमध्ये अगदीच नवखी होती. १९९६ मध्ये तिचा 'राजा की आएगी बारात' हा सिनेमा प्रदर्शित झाला होता. तर आदित्य चोप्रा याचा 'दिलवाले दुल्हिनिया ले जाएंगे' या सिनेमाच्या प्रचंड लोकप्रिय झाला होता. या सिनेमामुळे तोदेखील खूप प्रसिद्ध झाला होता. आदित्यला वाटलं होतं की राणी स्वतःहून येऊन त्याच्याशी बोलेल. परंतु असं झालं नाही. असंही सांगितले जाते की, 'कुछ कुछ होता हैं' सिनेमात राणीला रोल द्यावा, यासाठी आदित्यने करणकडे शब्द टाकला होता. सर्वात महागडा घटस्फोट आदित्य चोप्रा याचे पहिले लग्न २००० मध्ये पायल खन्ना हिच्यासोबत झाले आणि २००९ मध्ये त्यांचा घटस्फोट झाला. या दोघांचा घटस्फोट का झाला याबाबत कुणीही काहीच बोलले नाही. परंतु मनोरंजन सृष्टीमधील हा सर्वात महागडा असा घटस्फोट होता. त्यानंतरच आदित्य आणि राणी एकत्र आले. असा आहे आदित्य चोप्रा आदित्यचा स्वभाव अतिशय साधा आणि लाजाळू असल्याने तो प्रसिद्धी माध्यमांपासून कायम दूर असतो. त्याचा हाच स्वभाव मला आवडला, असे राणी सांगते. ती पुढे सांगते की, माझ्यासाठी आदित्य हा शंकर आहे. बंगालीमध्ये एक म्हण आहे शक्तीला शांत ठेवण्यासाठी शिवाची गरज असते. तसेच आदित्य माझ्या आयुष्यातील शिव आहे. त्याच्या स्वभावही शांत आणि गंभीर आहे. त्यामुळेच आम्ही एकमेकांना खूप चांगल्या पद्धतीने समजून घेऊ शकतो. दरम्यान, आदित्यची आई पामेला चोप्रा यांनी देखील राणीचे कायम कौतुक केले आहे. राणीमुळे आदित्यमध्ये चांगले बदल झाले आहेत. तरुणपणी जसा तो आनंदी असायचा तसाच पुन्हा झाला आहे, याचे मला समाधान आहे. आदिराचा जन्म राणी आणि आदित्यचे लग्न झाल्यानंतर एका वर्षाने म्हणजे २०१५ मध्ये आदिराचा जन्म झाला. आदित्य मधील 'आदि' आणि राणी मधील 'रा' हे शब्द एकत्र आणून त्यांनी आपल्या मुलीचे नाव आदिरा ठेवले. त्यांनी आपल्या लेकीला देखील प्रसिद्धी माध्यमांपासून दूर ठेवले आहे. तिचे कोणतेही फोटो त्यांनी सोशल मीडियावर पोस्ट केलेले नाहीत.
from Marathi Bollywood News, Marathi Cinema News https://ift.tt/3cPNuPd
