मुंबई- मराठमोळा अभिनेता घराघरात लोकप्रिय आहे. त्याने 'महाराष्ट्राची हास्यजत्रा' सारखे अनेक विनोदी कार्यक्रम केले. त्याच्या परफेक्ट विनोदाच्या टायमिंगमुळे तो प्रेक्षकांचा आवडता बनला. त्याचप्रमाणे त्याने अनेक नाटकांत आणि चित्रपटातदेखील काम केलं आहे. अंशुमन सोशल मीडियावर सक्रिय असतो. परंतु, सोशल मीडियावर जितकी चर्चा अंशुमनची होत नाही, तितकी चर्चा त्याच्या लेकीची होते. अंशुमन त्याच्या मुलीचे व्हिडीओ सोशल मीडियावर चाहत्यांसोबत शेअर करत असतो. त्यात ती कधी नाचताना दिसते तर कधी तिच्या बाबांसोबत गाताना दिसते. तिचे सगळेच व्हिडीओ चाहत्यांना प्रचंड पसंत पडतात. तिच्या प्रत्येक व्हिडिओची सोशल मीडियावर चर्चा होते. आताही अंशुमनने अन्वीचा एक व्हिडीओ चाहत्यांसोबत शेअर केला आहे. त्यात ती अत्यंत गोड दिसतेय. इतकंच नाही तर ती तिच्या आईसाठी खास जेवण बनवते आणि आईसोबत गप्पा मारतेय. अंशुमनने त्याच्या इन्स्टाग्राम अकाउंटवर हा व्हिडीओ शेअर केला आहे. ज्यात अन्वी तिच्या बोबड्या बोलांनी आईसोबत गप्पा मारतेय. तिचे हे बोल ऐकून तुम्हीही तिच्या प्रेमात पडाल. अन्वी तिच्या आईला कधीही म्हातारी न होऊ देण्याबद्दल बोलतेय. तिचे हे शब्द प्रेक्षकांच्या हृदयाला स्पर्शून जातायत. व्हिडिओमध्ये अन्वी आईसाठी जेवण बनवते त्यावर अन्वीची आई तिला प्रश्न विचारते, तू बनवलं माझ्यासाठी जेवायला? यावर अन्वी हो असं उत्तर देते. आई तिला प्रश्न विचारत म्हणते, 'तू माझी काळजी घेणार मम्मा? माझे लाड करणार? मी म्हातारी झाल्यावर मला सांभाळणार? आईच्या य प्रश्नांवर अन्वी निरागसपणे म्हणते, 'तू म्हातारी होणार मग मी घाबरणार, मी म्हातारीला घाबरते. मी तुला म्हातारी होऊच देणार नाही.' त्यापुढे आईकडे पाहत अन्वी म्हणते, 'मी तुला म्हातारी होऊच देणार नाही, कारण तू माझी मम्मा आहे आणि मला तू सुंदर दिसतेस. आता मी तुझ्यासाठी साबुदाण्याची खिचडी करते.' असं म्हणत अन्वी पुन्हा तिच्या खेळात गुंतते. पण आपल्या चिमुकल्या मुलीच्या तोंडून हे शब्द ऐकून आई मात्र तिच्यावर प्रेमाचा वर्षाव करते. अन्वीचा हा व्हिडीओ पाहून प्रेक्षकही तिच्या प्रेमात पडले आहेत. ते तिचं कौतुक करत आहेत. नेहमीप्रमाणे अन्वीच्या व्हिडिओला प्रचंड लाईक मिळत आहेत. अंशुमन अन्वीचे असे छान व्हिडीओ नेहमी चाहत्यांसोबत शेअर करत असतो.
from Marathi Bollywood News, Marathi Cinema News https://ift.tt/3qHwsHP
