मुंबई: बॉलिवूड इंडस्ट्रीमधील अशी व्यक्ती आहेत जे सामाजिक किंवा राजकीय कोणत्याही प्रकारच्या मुद्द्यावर आपलं मत बेधडकपणे व्यक्त करताना दिसतात. आज दिग्दर्शक- निर्माता राम गोपाल वर्मा यांचा ६० वा वाढदिवस. राम गोपाल वर्मा यांनी आतापर्यंत बॉलिवूडला 'सत्या', 'सरकार' आणि 'रंगीला' सारखे हिट चित्रपट दिले. एवढंच नाही तर त्यांनी दाक्षिणात्य चित्रपटाचं दिग्दर्शनसुद्धा केलं आहे आणि हे चित्रपटही बॉक्स ऑफिसवर यशस्वी ठरले आहेत. बॉलिवूडमध्ये यश आणि नावही कमावलेल्या या दिग्दर्शकाचं खासगी जीवन मात्र खूपच चर्चेत राहिलं. विवाहित असूनही एका अभिनेत्रीवर प्रेम करणं त्यांना चांगलंच महागात पडलं. बॉलिवूड अभिनेत्री आणि राम गोपाल वर्मा यांचं अफेअर बी-टाउनमध्ये खूपच चर्चेत राहिलं होतं. राम गोपाल वर्मा यांच्यासोबत उर्मिला मातोंडकर यांनी पहिल्यांदा 'सत्या' चित्रपटात काम केलं होतं. त्यानंतर उर्मिला यांना घेऊन त्यांनी 'रंगीला'चीही निर्मिती केली. या चित्रपटात आमिर खान आणि जॅकी श्रॉफ यांच्या महत्त्वाच्या भूमिका होत्या. राम गोपाल वर्माच्या पत्नीनं मारलं होतं उर्मिला यांच्या कानशीलात राम गोपाल वर्मा यांचा 'रंगीला' चित्रपट उर्मिला यांच्या करिअरमध्ये महत्त्वपूर्ण मानला जातो. या चित्रपटानं उर्मिला यांना यशाच्या शिखरावर पोहोचवलं होतं. हा चित्रपट हिट झाल्यावर उर्मिला यांनी कधीच मागे वळून पाहिलं नाही. पण याच चित्रपटाच्या सेटवर राम गोपाल वर्मा आणि उर्मिला यांच्या अफेअरच्या चर्चा सुरू झाल्या. त्यानंतर राम गोपाल वर्मा यांच्या प्रत्येक चित्रपटात उर्मिलाला कास्ट करण्यात येऊ लागलं आणि बॉलिवूडमध्ये सुरू असलेली या दोघांच्या अफेअरची चर्चा राम गोपाल वर्मा यांच्या घरी जाऊन पोहोचलं. राम गोपाल वर्मा आणि उर्मिला यांच्या नात्याबद्दल जेव्हा त्याची पत्नी रत्नाला समजलं. तेव्हा तिच्या पायाखलची जमिनच सरकली होती. या चर्चांमुळे ती खूप रागात होती. त्यावेळी प्रसारमाध्यमांनी राम गोपाल वर्मा यांच्या पत्नीनं उर्मिला यांच्या कानशीलात लगावल्याची वृत्तसुद्धा प्रसारित केली होती. अर्थात यात सत्यता किती याची पुष्टी कधीच झाली नाही आणि उर्मिला मातोंडकर यांनी सुद्धा राम गोपाल वर्मा यांच्यासोबतच्या नात्याबाबत कधीच कोणताही खुलासा केला नाही. पण उर्मिला यांच्यामुळे राम गोपाल वर्मा यांना त्यांच्या पत्नीनं घटस्फोट दिला असंही बोललं जातं. मात्र याचं स्पष्टीकरण दिग्दर्शकानं दिलेलं नाही.
from Marathi Bollywood News, Marathi Cinema News https://ift.tt/3rQPaNK