मुंबई : गेल्या वर्षी करोनामुळे मनोरंजनविश्वाचं काम ठप्प झालं होतं. केवळ चित्रपटगृहच बंद झाली नाहीत; तर चित्रीकरणाचं कामदेखील बंद करण्यात आलं. या काळात सिनेसृष्टीला कोट्यवधी रुपयांचं नुकसान सहन करावं लागलं. पण, गेल्या चार-पाच महिन्यात परिस्थिती सुधारत असतानाच आता पुन्हा एकदा करोनानं डोकं वर काढलं आहे. सिनेसृष्टीतील बड्या कलाकारांना करोनाची लागण झाल्याचं अलीकडेच समोर आलं. त्यामुळे सिनेसृष्टीटी डोकेदुखी वाढली आहे. आपल्यावरील करोनाचं संकट पूर्णपणे कधी टळतंय यायची आपण सगळेच वाट पाहत आहोत. आणि परिणामी लॉकडाउनमुळे दैनंदिन जीवनात सर्वसामान्य जनतेला मोठ्या संकटांना सामोरं जावं लागत आहे. मनोरंजनसृष्टीलाही त्याची झळ पोहोचतेय. म्हणून अभिनेता-दिग्दर्शक प्रसाद ओकनं देवाकडे घातलं आहे. तेही हट के फॅशनेबल अंदाजात. हा खास फोटो शेअर करत तो म्हणतो... हे करोनाचं संकट लवकर टळू दे रे महाराजा... सगळ्यांची कामं व्यवस्थित सुरू कर रे महाराजा... सगळ्या लोकांना निरोगी आयुष्य दे रे महाराजा... माणसाला माणसातलं माणूसपण सापडू दे रे महाराजा... होय देवा महाराजा...!!! प्रसादच्या वर्कफ्रंट बद्दल बोलायचं तर त्याचा 'पिकासो' हा चित्रपट नुकताच प्रेक्षकांच्या भेटीला आला आहे. तसंच आगामी 'चंद्रमुखी'. या सिनेमाच्या दिग्दर्शनाची जबाबदारी सांभाळणार आहे.
from Marathi Bollywood News, Marathi Cinema News https://ift.tt/3rXbfdv