मुंबई- बॉलिवूडचा लोकप्रिय अभिनेता आता चाहत्यांचा लाडका बनला आहे. कार्तिकने त्याच्या अभिनयाने तर प्रेक्षकांच्या मनात स्थान मिळवलच आहे. याशिवाय त्याच्या साध्या सरळ वागण्याने देखील त्याने चाहत्यांची मनं जिंकली आहेत. तो सोशल मीडियावरही प्रचंड चर्चेत असतो. नुकतीच त्याने त्याच्या स्वप्नातली गाडी विकत घेतली. त्याने ब्रँडची गाडी घेतली, या गाडीची किंमत जवळपास ४ कोटी ५० लाख रुपये आहे. या गाडीतून जेव्हा तो मुंबईच्या रस्त्यावर निघाला तेव्हा त्याची शान काही औरच होती. परंतु, यादरम्यान त्याने काही असं केलं ज्यामुळे कार्तिकचे चाहते आणि तिथे उपस्थित सगळेच अवाक झाले. इन्स्टाग्रामवर कार्तिकचा हा व्हिडीओ प्रचंड व्हायरल होत आहे. त्याने जे केलं ते पाहून चाहत्यांना आश्चर्याचा धक्का बसला आहे. या व्हिडिओमध्ये कार्तिक त्याच्या नव्या कोऱ्या गाडीतून उतरताला आणि छायाचित्रकारांना तो पोझ देत होता. अचानत काहीतरी विसरल्याप्रमाणे तो पुन्हा गाडीजवळ गेला आणि वाकून गाडीचे आशीर्वाद घेतले. त्याने केलेलं हे कृत्य पाहून तिथे उपस्थित सगळे आश्चर्यचकित होतात आणि त्याला पुन्हा तसं करण्यासाठी सांगतात. त्यावर जराही न लाजता तो पुन्हा गाडीजवळ जाऊन दोन्ही हातानी गाडीच्या पाया पडतो. कार्तिकचा हा व्हिडीओ सोशल मीडियावर प्रचंड व्हायरल होत आहे. त्याचे चाहते त्याचं कौतुक करत आहेत. कार्तिकला गाड्यांची खूप आवड आहे. त्याच्याकडे आता खरेदी केलेल्या लॅम्बोर्गिनी व्यतिरिक्त एक बीएमडब्ल्यू देखील आहे जी त्याने २०१७ साली घेतली होती. याशिवाय त्याच्याकडे २०१९ साली घेतलेली मिनी कूपरदेखील आहे. सध्या तो 'भूल भुलैया २' च्या चित्रीकरणात व्यस्त आहे. याशिवाय तो 'धमाका' आणि 'दोस्ताना २' मध्ये देखील झळकणार आहे.
from Marathi Bollywood News, Marathi Cinema News https://ift.tt/2OuDliC