मुंबई: बॉलिवूड अभिनेत्री नेहमीच तिच्या सोशल मीडिया पोस्टमुळे सोशल मीडियावर चर्चेत असते. मलायका सोशल मीडियावर नेहमीच सक्रिय असते. तिच्या फिटनेसचे असंख्य चाहते आहेत. पण याशिवाय सध्या मलायका तिच्या खासगी आयुष्यामुळे सुद्धा सोशल मीडियावर चर्चेचा विषय ठरते. मागच्या काही वर्षांपासून मलायका अभिनेता अर्जुन कपूरला डेट करत आहे. या दोघांच्या वयातील अंतरामुळे त्यांचं नातं नेहमीच सोशल मीडियावर चर्चेचा विषय ठरतं. अशात आता मलायकाचा एका फोटो सोशल मीडियावर खूप व्हायरल होत असून तिनं गुपचूप अर्जुनशी साखरपुडा उरकला की काय अशी चर्चासुद्धा होत आहे. सोशल मीडियावर नेहमीच सक्रिय असणारी मलायका प्रत्येक दिवशी काही ना काही पोस्ट शेअर करत असते. अनेकदा ती तिचे योगा आणि फिटनेसचे व्हिडीओ किंवा फोटो सोशल मीडियावर शेअर करताना दिसते. काही दिवसांपूर्वीच करोनाची लस घेणाऱ्या या अभिनेत्रीनं आता एन्गेजमेंट रिंगसोबत स्वतःचा फोटो शेअर केला आहे. ज्यामुळे मलायकानं गुपचूप साखरपुडा केल्याची चर्चा सोशल मीडियावर होताना दिसत आहे. मलायकानं नुकतेच इन्स्टाग्रामवर दोन फोटो पोस्ट केले आहेत ज्यात तिनं गोल्डन कलरचा ड्रेस परिधान केला आहे आणि या फोटोमध्ये तिच्या बोटात एक डायमंड रिंग दिसत आहे. तर दुसऱ्या फोटोमध्ये ती केवळ एन्गेजमेंट रिंग फ्लॉन्ट करताना दिसत आहे. मलायकाचे हेच फोटो सध्या सोशल मीडियावर चर्चेत आहे. या फोटोच्या कॅप्शनमध्ये मलायकानं लिहिलं, 'किती सुंदर आहे ही अंगठी, प्रेम सुद्धा हिच्या प्रेमात पडेल, ही सुरुवात आहे. आनंद इथून सुरू होतो.' याच पोस्टमध्ये मलायकानं पुढे लिहिलं, 'चेकआउट @ornaz_com जर तुम्ही तुमच्या आयुष्यातील प्रेमाच्या प्रश्नाला सोडवण्याचा विचार करत आहात. तर साखरपुड्यासाठी ही रिंग खूपच उत्तम आहे. तुम्हाला हवी असेल अशी रिंगसुद्धा तुम्हाला बनवून घेता येऊ शकता.' यावरून स्पष्ट होतं की, मलायकानं साखरपुडा केलेला नाही तर ही केवळ एक जाहिरात आहे. पण आता चाहत्यांची तिच्या लग्नाबाबतची उत्सुकता अधिकच वाढली आहे. तिच्या या फोटोवर तर अनेकांनी तिला शुभेच्छा दिल्या आहेत.
from Marathi Bollywood News, Marathi Cinema News https://ift.tt/2RAO4t5