मुंबई : अभिनेता यांना जाऊन एक वर्ष पूर्ण झाले आहे. ऋषी कपूर यांचं व्यक्तिमत्त्व दिलखुलास होतं. त्यांचा हाच दिलखुलासपणा सिनेमांमध्येही दिसायचा आणि त्यांच्या वैयक्तिक आयुष्यामध्येही. आज त्यांच्या पहिल्या स्मृतीदिनी त्यांचे कुटुंब, चाहते त्यांच्या आठवणींमुळे भावुक झाले आहेत. ऋषी कपूर यांची मुलगी सहानीदेखील भावुक झाली. गेल्या वर्षी करोनामुळे सर्व देशात लॉकडाउन असल्याने रिद्धिमाला आपल्या वडिलांचे अंत्यदर्शनही घेता आले नव्हते. आज आपल्या वडिलांच्या प्रथम स्मृतीदिनी तिने एक भावुक पोस्ट लिहिली आहे. तिची ही पोस्ट वाचून अनेकांचे डोळे पाणावले. गेल्या वर्षी करोनामुळे देशात सर्वच ठिकाणी लॉकडाउन लागला होता. त्याच काळात ऋषी कपूर यांचे ब्लड कॅन्सरने निधन झाले होते. वडिलांचे निधन झाले तेव्हा रिद्धिमा दिल्लीत होती. खूप प्रयत्न करूनही तिला आपल्या वडिलांचे अंत्यंदर्शन घेता आले नव्हते. तेव्हा आलिया भट्टने व्हिडीओ कॉलच्या माध्यमातून रिद्धिमाला तिच्या वडिलांचे अंत्यंदर्शन आणि सर्व विधी दाखवले. रिद्धिमाने आपल्या वडिलांच्या आठणींची ही पोस्ट लिहिताना ऋषी कपूर यांच्यासोबत लहानपणीचा आणि मोठेपणाच्या फोटोंचा कोलाज करून पोस्ट केला आहे. तुम्ही मला मुश्क नावाने हाक माराल का रिद्धिमाने हा फोटो शेअर करत लिहिले की, 'काश, मुश्क या नावानं तुम्ही मला मारलेली हाक ऐकू शकले असते...' रिद्धिमाने यासोबतच डोरेथी मॅई कैवेंडिश यांच्या काही ओळी या पोस्टमध्ये शेअर केल्या आहेत. या ओळी रिद्धिमाच्या भावना आणि तिचे दुःख व्यक्त करणाऱ्या आहेत. तुम्ही नेहमीच सोबत असाल.... रिद्धिमाने कैवेंडिश यांच्या ज्या ओळी तिच्या पोस्टमध्ये लिहिल्या आहेत त्यामध्ये, ' जोपर्यंत आपण परत भेटणार नाही, तोपर्यंत आम्ही कायम तुमच्याचबद्दल विचार करत राहणार आहोत. तुम्हाला कधीच विसरू शकणार नाही. तुम्ही आमच्या हृदयात आहात आणि यापुढेही कायम राहणार आहात. जोपर्यंत आपण पुन्हा भेटत नाहीत, तोपर्यंत... तुम्ही आमच्या आयुष्याला कायम दिशा देणारे होता आणि राहणार आहात. तुमच्यावर कायम माझं प्रेम राहणार आहे.'
from Marathi Bollywood News, Marathi Cinema News https://ift.tt/3eMaEa7
