नवी दिल्ली : कोविड-१९ महामारीच्या पार्श्वभूमीवर टेलिकॉम कंपन्या पुन्हा एकदा ग्राहकांना दिलासा देण्यासाठी नवीन ऑफर्स लाँच करत आहे. गेल्या आठवड्यात रिलायन्स जिओने आपल्या ग्राहकांसाठी मोफत आउटगोइंग कॉलिंग मिनिट्स आणि मोफत रिचार्ज प्लॅनची घोषणा केली होती. आता एअरटेलने आपल्या ५ कोटी ग्राहकांसाठी ४९ रुपयांचा प्लॅन मोफत देण्याची घोषणा केली आहे. या दोन्ही कंपन्यांच्या नवीन ऑफर्सबद्दल जाणून घेऊया. वाचाः एअरटेलने आपल्या कमी उत्पन्न असणाऱ्या कोट्यावधी ग्राहकांसाठी ४९ रुपयांच्या मोफत प्लॅनची घोषणा केली आहे. जे ग्राहक या संकटाच्या काळात रिचार्ज करू शकत नाहीत, ते याचा फायदा घेऊ शकतात. म्हणजे, रिचार्ज समाप्त झाल्यास ग्राहक एअरटेलच्या या प्लॅनचा रिचार्ज करू शकतात व कनेक्टेड राहू शकतील. याशिवाय कुटुंब आणि मित्रांशी जोडलेले राहण्यासाठी कंपनीने आणखी एक प्लॅन आणला आहे. एअरटेल ग्राहकांना ७९ रुपयांच्या प्लॅनमध्ये डबल फायदा देत आहे. एअरटेलच्या ७९ रुपयांच्या प्लॅनमध्ये आता २००एमबी डेटा मिळतो व याची वैधता २८ दिवस आहे. या प्लॅनमध्ये लोकल-एसडी व लँडलाइन कॉलिंगसाठी ६० पैसे प्रति मिनिट हिशोबाने शुल्क घेतले जाईल.एअरटेलचे हे दोन्ही प्लॅन ग्राहकांसाठी आजपासून उपलब्ध आहेत. एअरटेल देशीतल सर्वात मोठ्या पैकी एक आहे. कंपनीचे जगभरात ४५.८ कोटी ग्राहक असून, कंपनीचा व्यवसाय १८ देशात आहे. वाचाः रिलायन्स जिओने देखील आपल्या ग्राहकांसाठी दोन नवीन ऑफर लाँच केल्या आहेत. कंपनी यूजर्सला दर महिन्याला वॉइस कॉलिंगसाठी ३०० मोफत मिनिट्स देत आहेत. मात्र, यूजर्स ३०० मिनिट्सचा एकदाच वापर करू शकत नाहीत. दरदिवशी मोफत वॉइस कॉलिंगसाठी १० मिनिटांची मर्यादा आहे. म्हणजेच ग्राहक ३० दररोज १० मिनिटे बोलू शकतात. लॉकडाऊनच्या काळात रिचार्ज करण्यास शक्य नसलेल्या ग्राहकांसाठी कंपनीने ही ऑफर आणली आहे. जिओची दुसरी ऑफर Buy-One-Get-One आहे. ही ऑफर कंपनीच्या सर्व प्लॅन्सवर आहे. उदाहरणार्थ ग्राहकांनी ७५ रुपयांचा रिचार्ज केल्यास, हा रिचार्ज संपल्यानंतर तोच रिचार्ज पुन्हा मोफत मिळेल. जिओच्या या प्लॅन्सला रिलायन्स फाउंडेशनसोबत मिळून लाँच करण्यात आले आहे. वाचाः वाचाः वाचाः
from Gadget News in Marathi: Computer, Mobile, Auto News in Marathi | Maharashtra Times https://ift.tt/33PSkrq
