मुंबई टाइम्स टीम टीव्ही मालिकांमध्ये नायक-नायिकांबरोबरच ज्येष्ठांच्या व्यक्तिरेखाही तेवढ्याच लोकप्रिय असतात. विशेषत: आईची व्यक्तिरेखा तर प्रेक्षकांच्या मनात घर करून राहते. काही मालिकांमध्ये तर आईच्या व्यक्तिरेखेभोवतीच कथानक फिरताना दिसते. त्यामुळे काळानुसार आईही बदलली आहे. ती केवळ सोशिक राहिलेली नाही, तर वेळप्रसंगी कठोर होतानाही दिसते. अन्यायाविरुद्ध बोलणारी, स्वतःची ठाम मतं असणारी, वेळेप्रसंगी 'अरे' ला 'कारे' करणारी आणि आपल्या मुलांवर भरभरून प्रेम करतानाच त्यांना दोन शब्द सुनावण्यास कमी न करणारीही आहे. सध्या सुरू असलेल्या मराठी मालिकांमध्ये आईच्या भूमिकेचे विविध कंगोरे प्रेक्षकांना पाहायला मिळत आहेत. मध्यंतरीच्या काळात मालिकांमधील आईच्या व्यक्तिरेखा या 'चूल आणि मुलं' इथवरच मर्यादित होत्या. पण, आता हे चित्र बदलले आहे. यापूर्वी '' या मालिकेतील ज्येष्ठ अभिनेत्री निवेदिता सराफ यांनी साकारलेली आई ही मुलाचे नको इतके लाड करणारी, त्याच्यावरील प्रेमापोटी सारं काही सहन करणारी होती. पण, आता मालिकेच्या पुढील पर्वात 'अग्गंबाई सुनबाई'मधली आसावरी स्वावलंबी झालीय. तसंच दुसरीकडे '' या मालिकेतली मधुराणी प्रभुलकर यांनी साकारलेली अरुंधती अनन्याविरुद्ध लढा देणारी आहे. विविध पैलू 'शुभमंगल ऑनलाइन' मालिकेत सुकन्या मोने यांनी साकारलेली अनुपमा आपल्या मुलाच्या पाठीशी ठामपणे उभी आहे. अन्यायाविरुद्ध लढताना ती आपल्या मुलाला खंबीरपणे आधार देतेय. तसेच दुसरीकडे शुभांगी गोखले यांनी '' मालिकेत साकारलेली शकू आपल्या मुलाला मार्गदर्शन करतेय; मनाविरुद्ध जाऊन दबावाखाली लग्नाचा निर्णय घेऊ नको, असं ती ठामपणे त्याला सांगते. 'पाहिले न मी तुला'मध्ये वर्षा दांदळे यांनी निभावलेली उषा ही खेळकर स्वभावाची आई आहे. 'फुलाला सुगंध मातीचा' मालिकेतली आई जीजी अक्का ही स्वाभिमानी आहे. अदिती देशपांडे यांनी ही भूमिका साकारली आहे. ऐश्वर्या नारकर यांनी 'श्रीमंताघरची सून'मध्ये साकारलेली आई मुळूमुळू रडणारी नसून, ठाम निर्णय घेणारी आहे. 'मुलगी झाली हो'मध्ये शर्वाणी पिल्लई यांनी साकारलेली आई ही आपल्या मुलीच्या संरक्षणासाठी कणखर बनली आहे. 'शुभमंगल ऑनलाइन'मधली माधुरी अर्थात, शर्वरीची आई ही स्वाभिमानी आणि स्वतःची ठाम मतं असलेली, मुलीच्या सुखाचा विचार करणारी अशी आहे. छोट्या पडद्यावरील सध्याच्या मालिका या समाजाचं वास्तववादी दर्शन घडवत आहेत. महत्त्वाकांक्षी, स्वावलंबी, स्वाभिमानी, सुशिक्षित असे विविध पैलू मालिकेतील आईच्या भूमिकेत दिसत आहेत. कारण, समाजातदेखील आज तसंच चित्र आहे. मध्यंतरी मालिकांमध्ये साधीसुधी आई दिसत होती. पण, आता चित्र बदललेलं आहे. त्याचं प्रतिबिंब टीव्ही मालिकांमध्ये दिसतेय. - मुग्धा गोडबोले, लेखिका मालिका - अभिनेत्री (आईची भूमिका) अग्गंबाई सूनबाई - निवेदिता सराफ येऊ कशी तशी मी नांदायला - शुभांगी गोखले पाहिले न मी तुला - वर्षा दांदळे श्रीमंताघरची सून - ऐश्वर्या नारकर आई कुठे काय करते - मधुराणी प्रभुलकर रंग माझा वेगळा - हर्षदा खानविलकर फुलाला सुगंध मातीचा - अदिती देशपांडे मुलगी झाली हो - शर्वाणी पिल्लई सुख म्हणजे नक्की काय असतं - वर्षा उसगावकर स्वाभिमान - आसावरी जोशी शुभमंगल ऑनलाइन - सुकन्या मोने, अंकिता पनवेलकर सुंदरा मनामध्ये भरली - आतिषा नाईक
from Marathi Bollywood News, Marathi Cinema News https://ift.tt/33tne8K
