मुंबई: बॉलिवूड अभिनेत्री सोशल मीडियाच्या माध्यमातून नेहमीच तिच्या आयुष्यातील अनुभवांबद्दल बोलताना दिसते. मध्यंतरीच्या काळात तिचे प्रेग्नन्सीमधील फोटोशूट खूप व्हायरल झाले होते. आता समीरानं मुलगा हंसच्या जन्मानंतर पोस्टपार्टम डिप्रेशनचा अनुभव चाहत्यांशी शेअर केला आहे. तिनं सांगितलं की, जेव्हा ती पहिल्यांदा प्रेग्नन्ट होती त्यावेळी तिनं विचार केला होता. की, पेज ३ मॉम्सच्या फोटोग्राफर्सना एक परफेक्ट बेबी बम्प पोज द्यायची. कारण त्यावेळी तिचे विचार बॉलिवूडपासून प्रेरित होते. समीरा रेड्डीनं सांगितलं की, डिलिव्हरीच्या वेळी तिचं वजन १०५ किलो होतं. नुकत्याच दिलेल्या एका मुलाखतीत आपल्या प्रेग्नन्सीच्या अनुभवाबाबत बोलताना समीर म्हणाली, 'माझा पती अक्षय वर्देनं बाळाचं डायपर बदलण्यापासून ते त्याला खाऊ घालण्यापर्यत सर्व गोष्टी सांभाळल्या होत्या. जेव्हा मी माझ्या भावानांसोबत संघर्ष करत होते. माझ्या सासूबाई मला म्हणायच्या तुझं बाळ सुदृढ आहे. नवरा पाठिंबा देणारा आहे. मग तू काळजी का करतेस. त्यांच्या या प्रश्नाचं उत्तर माझ्याकडे नसायचं. रुग्णालयात डिस्चार्ज झाल्यावर मी खूप रडले. हंस माझ्यासोबत नसल्याचं मला वाईट वाटायचं मी सर्व गोष्टींसाठी स्वतःला दोषी मानायला लागले होते. हे सर्व एक वर्षभर चाललं. मी अनेकदा मानसिकदृष्ट्या कोलमडून जायचे. फिल्म इंडस्ट्रीमधून तर मी कधीच बाहेर गेले होते. माझं वजन १०५ किलो होतं आणि मला एलोपेसिया एरियाटा हा आजार झाला होता. माझे केस सातत्यानं गळत होते. समीरनं या गंभीर आजाराचा सामना करताना डॉक्टरांची मदत घेत त्यांना आपल्या सर्व समस्या सांगितल्या. तिनं सांगितलं, मी बॉलिवूड अभिनेत्री असल्यानं माझा वजनाचा मुद्दा सातत्यानं चर्चेत होता. मला स्वतःलाच मी एक नवी व्यक्ती असल्यासारखं वाटत होतं. समीरा म्हणाली, 'या डिप्रेशनमध्ये मी प्रत्येक ठिकाणापासून गायब झाले. काही काळानं मी सोशल मीडियाशी स्वतःला जोडलं. त्या ठिकाणीनी मला विचारलं जायचं की, तू एक यमी मम्मी होणार आहेस की, पुन्हा एकदा सेक्सी सॅम होणार आहे. त्यावेळी मी फॉलोअर्स वाढवेत म्हणून खोटं बोलणं टाळलं. खोटं बोलून मला माझे चाहते वाढवायचे नव्हते. सोशल मीडियावर मी माझ्या समस्यांबद्दल बोलायला सुरुवात केली. सुरुवातीला मला माझ्या दिसण्यावर ट्रोल केलं गेलं. पण यामुळे मला त्रास नाही. २०१८ मध्ये मी जेव्हा दुसऱ्यांदा आई होणार होते तेव्हा मी स्वतःला बजावलं की, मी हे करणार आहे.' दुसऱ्या प्रेग्नन्सीच्या वेळी समीरा रेड्डी ४० वर्षांची होती ज्यामुळे तिला भीती वाटत होती. पण यावेळी तिनं ज्या गोष्टी तिला पहिल्यांदा केल्यावर जमल्या नव्हत्या त्या करण्याचा निश्चय केला होता. जेव्हा ती ८ महिन्यांची प्रेग्नन्ट होती तेव्हा तिनं अंडरवॉटर बिकिनी शूट केलं होतं. ज्याची सोशल मीडियावर जोरदार चर्चा झाली होती. समीरा रेड्डीच्या करिअरबद्दल बोलायचं तर २००२ मध्ये तिनं सोहेल खानसोबत 'मैंने दिल तुझको दिया' या चित्रपटातून बॉलिवूड पदार्पण केलं होतं. ते शेवटची २०१२ मध्ये 'तेज' आणि 'चक्रव्यूह' या चित्रपटांमध्ये दिसली. समीरानं हिंदीसोबतच तेलुगू, तमिळस मल्याळम आणि बंगाली चित्रपटांमध्ये काम केलं आहे. २०१४ मध्ये तिनं उद्योगपती अक्षय वर्देशी लग्न केलं. या दोघांना दोन मुलं आहेत. तिच्या मुलाचं नाव हंस तर मुलीचं नाव नायरा आहे.
from Marathi Bollywood News, Marathi Cinema News https://ift.tt/3tzYMgw
