मुंबई- दाक्षिणात्य चित्रपटसृष्टीमधील लोकप्रिय अभिनेता चाहत्यांमध्ये प्रचंड लोकप्रिय आहे. फक्त टॉलिवूडचं नाही तर बॉलिवूडमध्येही त्याचे लाखो चाहते आहेत. अनेक चित्रपटांमध्ये उत्कृष्ट अभिनय करून विजयने प्रेक्षकांची मनं जिंकली आहेत. परंतु, 'अर्जुन रेड्डी' या चित्रपटाने विजयला टॉलिवूडसोबतच बॉलिवूडमध्येही ओळख मिळवून दिली. विजयच्या बॉलिवूड पदार्पणाची चाहत्यांमध्ये प्रचंड उत्सुकता आहे. लवकरच विजयचा 'लायगर' चित्रपट प्रेक्षकांच्या भेटीला येतोय. आज ९ मे रोजी विजयचा वाढदिवस आहे. कोट्यवधींचा मालक असणाऱ्या विजयकडे एकेकाळी घरभाडे देण्सासाठीही पैसे नव्हते यावर अनेकांचा विश्वास बसणार नाही. विजयचा जन्म एका तेलगू कुटुंबात झाला. त्याचे वडीलही दाक्षिणात्य मालिकांमध्ये अभिनेता म्हणून काम करत. विजय लहानपणी खूपच फटकळ होता. कोणाशीही बोलताना तो मुळीच विचार करायचा नाही, म्हणून त्याच्या घरातल्यांनी त्याचं नाव 'राउडी' ठेवलं होतं. विजयने २०११ साली आलेल्या 'नुव्विला' चित्रपटामधून अभिनयाची सुरुवात केली. त्यानंतर २०१६ साली आलेल्या 'पेली चोपुलु' या चित्रपटाला सर्वोत्कृष्ट फिचर फिल्मचा पुरस्कार मिळाला होता. परंतु, विजयला सगळ्यात जास्त ओळख 'अर्जुन रेड्डी' या चित्रपटातून मिळाली. एका मुलाखतीत विजयने या गोष्टीचा खुलासा केला होता की, कारकिर्दीच्या सुरुवातीला अनेकदा असं व्हायचं जेव्हा विजयकडे घराचं भाडं देण्यासाठीही पैसे नसायचे. त्याला अनेक अडचणींचा सामना करावा लागला. परंतु, विजयने हार मानली नाही. आज विजयचं स्वतःचं प्रोडक्शन हाउस आहे. विजय त्याच्या कुटुंबासोबत हैदराबाद येथे राहतो. जुबली हिल परिसरात त्याचा १५ कोटींचा बंगला आहे. २०१९ साली वयाच्या ३० व्या वर्षी विजयचं नाव फोर्ब्सच्या यादीत झळकलं होतं. एकेकाळी पैसे नसल्याने बँक अकाउंट सील झालेल्या विजयच्या खात्यात आज कोट्यवधी रुपये आहेत.
from Marathi Bollywood News, Marathi Cinema News https://ift.tt/33qCmnF
