मुंबई: बॉलिवूडची देसी गर्ल म्हणून ओळखली जाणारी अभिनेत्री प्रियांका चोप्रानं आता हॉलिवूडमध्येही आपल्या अभिनयानं सर्वांना भूरळ पाडली आहे. आता ग्लोबल स्टार म्हणून ओळखली जाते. अशात तिच्याशी संबंधीत अनेक किस्से सोशल मीडियावर व्हायरल होताना दिसतात. असाच एक किस्सा आताही समोर आला आहे. २०१४ मध्ये प्रियांका चोप्रानं करण जोहरच्या '' या चॅट शोमध्ये हजेरी लावली होती. त्यावेळी तिनं खुलासा केला होता की, एकदा एका नाइट क्लबमध्ये तिला एका लेस्बियन महिलेनं प्रपोज केलं होतं आणि तिला दूर करण्यासाठी प्रियांकानं नामी युक्ती लढवली होती. हा किस्सा प्रियांकानं या शोमध्ये सांगितला होता. प्रियांका चोप्रानं २०१४ मध्ये करण जोहरच्या 'कॉफी विथ करण' चॅट शोमध्ये हजेरी लावली होती. यावेळी तिच्यासोबत अभिनेत्री दीपिका पदुकोण सुद्धा होती. होस्ट करण जोहरनं यावेळी प्रियांकाला, 'कधी कोणत्या कठीण परिस्थितीतून बाहेर पडण्यासाठी तू कोणाला डेट करत असल्याचं नाटक केलं आहेस का?' असा प्रश्न विचारला होता. ज्यावर प्रियांकानं तिच्यासोबत घडलेला मजेदार प्रसंग सांगितला होता. करण जोहरच्या प्रश्नाचं उत्तर देताना प्रियांका चोप्रानं सांगितलं की, एका महिलेनं तिला नाइट क्लबमध्ये प्रपोज केलं होतं. प्रियांका म्हणाली, 'काही वर्षांपूर्वी मी एका नाइट क्बलमध्ये होते. त्या ठिकाणी एका महिला होती जिला माहीत नव्हतं की, मी कोण आहे किंवा कशी आहे आणि ती मला इंप्रेस करण्यासाठी खूप प्रयत्न करत होती. शेवटी मला तिला सांगावं लागलं की, माझा बॉयफ्रेंड आहे. पण त्यावेळी मी कोणालाच डेट करत नव्हते. पण मला मुलांना डेट करायला आवडतं हे तिला समजावं म्हणून मला असं सांगावं लागलं.' प्रियांका चोप्रानं तिच्या 'अनफिनिश्ड' या पुस्तकात अनेक गोष्टींसोबत तिच्या रिलेशनशिपबाबतही अनेक खुलासे केले आहेत. तिच्या पहिल्या बॉयफ्रेंडपासून ते निक जोनसशी लग्नापर्यंत अनेक गोष्टींचा उल्लेख या पुस्तकात प्रियांकानं केला आहे. तर तिचा पती या पुस्तकाविषयी बोलताना म्हणाला, 'प्रियांकाच्या रिअल लाइफमधील अशा रोमँटिक गोष्टी वाचाताना मजा आली.' प्रियांका चोप्राच्या कामाबद्दल बोलायचं तर ती शेवटची 'द व्हाइट टायगर' या चित्रपटात दिसली होती. प्रियांकासोबतच राजकुमार राव आणि आदर्श गौरव यांच्या मुख्य भूमिका असलेला हा चित्रपट ओटीटी प्लॅटफॉर्म नेटफ्लिक्सवर रिलीज झाला होता. तिच्या या चित्रपटाला ऑस्कर २०२१चं बेस्ट अडॉप्टेड स्क्रिनप्लेचं नामांकन मिळालं होतं.
from Marathi Bollywood News, Marathi Cinema News https://ift.tt/3vhsOr9
