मुंबई : मधील स्पर्धक राहुल वैद्यला त्याची गर्लफ्रेंड दिशा परमारची खूपच आठवण येत आहे. राहुल सध्या खतरों के खिलाडी ११ या कार्यक्रमाच्या चित्रीकरणा निमित्ताने दक्षिण आफ्रिकेमध्ये आहे. राहुल आणि इतर स्पर्धक ६ मे रोजी दक्षिण आफ्रिकेला रवाना झाले होते. राहुलला जाऊन अवघे दहा दिवसही झाले नाही तर तो दिशाच्या आठवणीत खूपच बैचेन झाला आहे. दक्षिण अफ्रिकेत आल्या दिवसापासून राहुल त्याच्या घरच्यांशी आणि दिशाशी सातत्याने व्हिडीओ कॉलच्या माध्यमातून बोलत असतो. परंतु अलिकडेच राहुलला दिशाची इतक्या तीव्रतेने आठवण आली की त्याने चक्क मध्यरात्री दिशाला व्हिडीओ कॉल केला आणि तिच्याशी मनसोक्त बोलला. राहुलने दिशाशी बोलत असतानाच स्क्रीन शॉट काढून इन्स्टाग्राम स्टोरीवर शेअर केला होता आणि त्यासोबत हार्ट इमोजी पोस्ट केला होता. दरम्यान, खतरों के खिलाडी ११ कार्यक्रमासाठी इतर स्पर्धकांसोबत जेव्हा दक्षिण आफ्रिकेसाठी रवाना झाला. तेव्हा त्याला सोडायला विमानतळावर आली होती. या दोघांसाठी हा क्षण खूपच भावूक होता. निरोप घ्यायच्यावेळी राहुल आणि दिशा यांनी एकमेकांना मिठी मारत अलविदा म्हटलं. साप आणि पाण्याची राहुलला भीती 'खतरों के खिलाडी ११' मध्ये जेव्हा राहुल वैद्य सहभागी झाला होता तेव्हा तो म्हणाला होता, या कार्यक्रमात सहभागी झाल्यानंतर साप आणि पाणी यांच्याशी मुकाबला कसा करायचा याचाच तो सातत्याने विचार करत आहे. केपटाउनला जाण्याआधी राहुलने सांगितले होते,'तो ६ मे रोजी केपटाऊनला जात आहे. आमच्या सर्व स्पर्धकांची आरटीपीसीआर टेस्ट झाली आहे. आम्ही सर्वजण सुरक्षित आहोत. खरे तर जेव्हा मी 'खतरों के खिलाडी ११' कार्यक्रमात सहभागी होण्यास होकार दिला तेव्हा मला खूप भीती वाटत होती. कारण मला सापाची आणि पाण्याची भीती वाटते. आता मी जातो तर आहे, पण मला माहिती नाही की तिथे जाऊन मी काय करणार आहे.' 'खतरों के खिलाडी ११ ' या कार्यक्रमाव्यतिरीक्त राहुल वैद्य त्याच्या आगामी प्रोजेक्टमुळे चांगलाच चर्चेत आहे. यामध्ये त्याच्योसबत रश्मी देसाई दिसणार आहे. अलिकडेच राहुलने रश्मी देसाई सोबत काढलेले काही फोटो आणि अनुभव शेअर केले होते.
from Marathi Bollywood News, Marathi Cinema News https://ift.tt/2S3glsg
