मुंबई : आणि निक जोनस हे हॉलिवूड आणि बॉलिवूडमधील सर्वाधिक चर्चेत असलेले जोडपे आहे. दोघांनी २ नोव्हेंबर २०१८ मध्ये लग्न केले. यशाबरोबरच संपत्तीही येते हे या दोघांच्या बाबतीत अगदी तंतोतंत लागू आहे. दोघेही गर्भश्रीमंत असून ते अतिशय विलासी आयुष्य जगत आहेत. निक जोनस हा ख्यातनाम गायक आहे तर प्रियांकाही यशस्वी अभिनेत्री म्हणून ओळखली जाते. एका वृत्तानुसार प्रियांका आणि निक यांची एकूण संपत्ती सुमारे ७३४ कोटी रुपये इतकी आहे. फोर्ब्स इंडियाच्या २०१९ मधील सेलिब्रिटी यादीमध्ये प्रियांका १४ व्या स्थानावर होती. त्यावेळी तिची वार्षिक कमाई २३. ४ कोटी रुपये इतकी असल्याचे सांगितले जाते. २०१९ मध्ये प्रियांकाने ' द स्काय इज पिंक' आणि 'इज नॉट इट रोमांटिक' हे दोन सिनेमे केले होते. त्यानंतर तिच्या संपत्तीमध्ये अधिक भर पडली. गेल्या वर्षी २०२० मध्ये प्रियांकाचा हा करिष्मा कायम राहिला नाही. गेल्यावर्षी करोनाचे संकट संपूर्ण जगावर आले. त्याचा मोठा फटका बॉलिवूड आणि हॉलिवूडलाही बसला. अनेकांचे मोठे नुकसान झाले. परंतु याच काळात प्रियांकाने न्यूयॉर्कमध्ये स्वतःच्या मालकीचे भारतीय रेस्टॉरन्ट उघडले. प्रियांकाच्या कामाबद्दल सांगायचे तर २०१५ मध्ये 'बेवॉच'मधून तिने हॉलिवूडमध्ये प्रवेश केला होता. त्यानंतर ती 'क्वांटिको' मध्ये दिसली. त्याच्या प्रत्येक भागासाठी प्रियांकाने ३ कोटी रुपये आकारले होते. सध्या ती हॉलिवूडमधील अनेक प्रोजेक्टमध्ये काम करत आहे. त्याशिवाय स्टेज शोसाठी प्रियांका ५ कोटी रुपये इतके मानधन घेते. देसी गर्ल अनेक मोठ्या ब्रँडची अॅम्बेसिडर म्हणूनही काम करते. हॉलिवूडमध्ये काम करायला सुरुवात केल्यापासून प्रियांका हिंदी सिनेमांत फारशी दिसली नाही. तरीदेखील बॉलिवूडमधील आघाडीच्या अभिनेत्रींमध्ये तिचे नाव घेतले जाते. प्रियांका आता बॉलिवूड सिनेमात काम करण्यासाठी १२ कोटी रुपये आकारते. याशिवाय इन्स्टाग्राम अकाऊंटवर अनेक उत्पदनांच्या जाहिराती प्रियांका सातत्याने करत असते. इन्स्टाग्रामवरील एका जाहिरातीसाठी ती १.९२ कोटी रुपये आकारते. तिची स्वतःची 'पर्पल पेबल पिक्चर्स' निर्मिती संस्था स्थापना केली आहे. त्यातूनही तिची चांगली कमाई होते. या कंपनीतर्फे 'व्हेंटिलेटर' आणि 'स्काई इज पिंक' या सिनेमांची निर्मिती केली होती. प्रियांकाचा नवरा निक जोनसच्या संपत्तीबद्दल सांगायचे तर त्याच्याकडे एकूण ३६७ कोटी रुपयांची संपत्ती आहे. निक जोनसने २००२ मध्ये करिअरला सुरुवात केली. निक गायक, संगीतकार आणि अभिनेता आहे. निकने त्याचा भाऊ केविनबरोबर 'जोनस ब्रदर्स' नावाने बँड काढला आहे. निकने डिस्नीच्या सिनेमातही काम केले होते. प्रियांका आणि निक अनेकदा गरजू लोकांना भरभरून मदत करतात. करोनाकाळातही ते लोकांना मदत करत आहेत. दरम्यान, आंतरराष्ट्रीय ख्याती असलेल्या या दांपत्याने नुकताच कॅलिफोर्नियामध्ये भला मोठा आलिशान बंगला विकत घेतला आहे. त्याची किंमत १४४ कोटी रुपये इतकी आहे. प्रियांकाची भारतामध्येही कोट्यवधी रुपयांची संपत्ती आहे. इतकेच नाही तर या दोघांकडेही अनेक महागड्या गाड्या आहेत. प्रियांकाचे मुंबईतही घर आहे. या घरात सध्या अभिनेत्री तीन वर्षांपासून भाड्याने रहाते आहे. भाड्यापोटी ती प्रियांकाला २ कोटी ४४ लाख ८ हजार रुपये देते.
from Marathi Bollywood News, Marathi Cinema News https://ift.tt/2R8TBqN
