मुंबई- बॉलिवूड अभिनेता सलमान खानच्या '' चित्रपटामुळे अभिनेत्री सध्या सोशल मीडियावर चर्चेत आहे. दिशा नेहमीच चाहत्यांना तिच्या अभिनयाने आणि बोल्ड अंदाजाने घायाळ करत असते. सध्या दिशा अभिनेता टायगर श्रॉफला डेट करत आहे. ते अनेकदा एकत्र फिरताना दिसतात. दुसरीकडे दिशा 'राधे' चित्रपटात टायगरच्या वडिलांसोबत म्हणजेच जॅकी श्रॉफसोबत दिसणार आहे. या चित्रपटात ती जॅकी यांच्या लहान बहिणीची भूमिका साकारत आहे. या सगळ्यात चित्रपटाच्या सेटवर दिशा जॅकी यांना काय हाक मारायची याचा खुलासा खुद्द जॅकी यांनीच केला आहे. दिशा टायगरला डेट करत असल्यामुळे प्रेक्षकांमध्ये चित्रपटातील जॅकी आणि दिशा यांच्या बहीण- भावाच्या नात्यावर अनेक चर्चा रंगल्या आहेत. अशात एका वृत्तपत्राला दिलेल्या मुलखातीत जॅकी यांना विचारण्यात आलं की, दिशा चित्रपटाच्या सेटवर त्यांना काय नावाने हाक मारायची? त्यावर उत्तर देत जॅकी म्हणाले, 'ठीक आहे, असं काही खास नाही. नेहमी तर आम्ही एकमेकांना काहीच नाव घेत बोलत होतो. कारण, जेव्हा तुम्ही एकमेकांच्या समोर असता तेव्हा हाक मारायची गरज नसते. पण जेव्हा कधी अशी गरज पडलीच तेव्हा दिशा मला सर म्हणून हाक मारायची. कारण अंकल खूप वेगळा शब्द आहे. मी तिच्या वडिलांचा भाऊ नाहीये काका म्हणायला. आमची कुटुंब खूप वेगळी आहेत.' टायगर किंवा दिशा यातील कुणीच त्यांच्या नात्याबद्दल कोणतीही घोषणा केलेली नाही. परंतु, त्यांच्या नात्यावर जॅकी यांना विचारण्यात आल्यावर ते म्हणाले होते की, 'ते दोघे भविष्यात लग्न करू शकतात किंवा कायमचे असेच एकमेकांचे मित्र बनून राहू शकतात. दिशा टायगरची पहिली मैत्रीण आहे. तोपर्यंत त्याने कधी इकडे-तिकडे पाहिलंही नव्हतं.' टायगर लवकरच क्रिती सेनॉनसोबत 'गणपत' या चित्रपटात झळकणार आहे. तर दिशा जॉन अब्राहम, तारा सुतारिया आणि अर्जुन कपूरसोबत 'एक व्हिलन रिटर्न' या चित्रपटात दिसणार आहे.
from Marathi Bollywood News, Marathi Cinema News https://ift.tt/3hbPuF6
