मुंबई: बॉलिवूडचा सुपरहिट चित्रपट 'बधाई हो'मधून दमदार पुनरागमन करणाऱ्या अभिनेत्री सोशल मीडियावर नेहमीच चर्चेत असतात. नीना गुप्ता यांचा चित्रपट 'सरदार का ग्रँडसन' नुकताच रिलीज झाला. सध्या नीना गुप्ता पती विवेक मेहरा आणि मुलगी मसाबा यांच्यासोबत सुखी आहेत. पण एक वेळ अशी होती की, नीना यांच्या खासगी आयुष्यात अनेक संघर्ष होते आणि त्या एकटेपणाशी लढत होत्या. नुकत्याच दिलेल्या एका मुलाखतीत नीना गुप्ता यांनी यावर भाष्य केलं. नीना गुप्ता यांनी बरीच वर्ष एकटेपणाशी लढत घालवली. त्या काळात त्यांच्या कोणीही पती किंवा बॉयफ्रेंड नव्हता. त्या म्हणाल्या, 'माझ्या आयुष्यात हे अनेकदा घडलंय कारण अनेक वर्ष माझा कोणीही पती किंवा बॉयफ्रेंड नव्हता. जेव्हा माझ्याकडे काहीच काम नव्हतं मी एकटी पडले होते. त्यावेळी माझे बाबाच माझा बॉयफ्रेंड झाले. आता मी माझ्या भूतकाळाबद्दल फारसा विचार करत नाही.' नीना गुप्ता आणि वेस्ट इंडीजचे क्रिकेटर विवियन रिचर्ड्स यांच्या रिलेशनशिपच्या चर्चा एकेकाळी बऱ्याच गाजल्या होत्या. नीना यांना विवियन यांच्यापासून एक मुलगी आहे. आज नीना आणि विवियन यांची मुलगी मसाबा फॅशन इंडस्ट्रीमधील मोठं नाव आहे. नीना आणि विवियन यांचं नातं फार वर्ष टिकलं नाही पण त्या नीना सिंगल मदर झाल्या होत्या. त्यानंतर अनेक वर्षांनी त्यांनी २००८ मध्ये विवेक मेहरा यांच्याशी लग्न केलं. नीना गुप्ता यांचा 'सरदार का ग्रँडसन' हा चित्रपट काही दिवसांपूर्वीच रिलीज झाला आहे. ज्यात अर्जुन कपूर आणि अभिनेत्री राकुलप्रीत सिंह मुख्य भूमिकेत आहेत. काशवी नायर यांच्या दिग्दर्शनाखाली तयार झालेल्या या चित्रपटात में सोनी राजदान, अदिति राव हैदरी, कुमुद मिश्रा या कलाकारांच्याही महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/3fykWe9
