मुंबई : हृतिक रोशनचे वडील याहूनही यांची स्वतःची वेगळी ओळख आहे. राकेश यांनी बॉलिवूडमध्ये 'कोई मिल गया','करण अर्जुन', 'क्रिश' यांसारख्या अनेक सिनेमांचे दिग्दर्शन केले आहेत. याशिवाय ते उत्तम अभिनेतेही आहेत. त्यांनी 'सीमा', 'मन मंदिर', 'आँखो आँखो में', 'बुनियाद', 'झूठा कहीं का', 'खूबसूरत', 'खट्टा मीठा' सारख्या सिनेमांमध्ये काम करून प्रेक्षकांचे मन जिंकले होते. आपल्या सिनेकरीअरमध्ये राकेश रोशन यांनी अनेक हिट सिनेमे दिले आहेत. राकेश यांनी एक यशस्वी करिअर पाहिलं असं नक्कीच म्हणता येईल. परंतु काही वर्षांपूर्वी राकेश रोशन यांच्या जीवाला धोका होता. त्यामुळे ते खूप घाबरून आयुष्य जगत होते. केवळ राकेश रोशनच नाही तर बॉलिवूडमधील प्रत्येक अभिनेत्याला, दिग्दर्शकाला अंडरवर्ल्डकडून धोका होता. बॉलिवूडवर अंडरवर्ल्डचा कायमच दबाव राहिला होता. शाहरुख खान पासून ते गुलशन कुमार यांच्यापर्यंत सर्वांनाच अंडरवर्ल्डमधील कुख्यात गुंड आणि छोटा शकील फोन करून खंडणीसाठी फोन करायचे. खंडणी द्या अन्यथा जीव गमवा, अशा धमक्या त्यांना दिल्या जायच्या. गुलशन कुमार यांची हत्या झाल्यानंतर ही दहशत अधिकच वाढली होती. त्यानंतर राकेश रोशन यांच्यावरही हल्ला झाला होता. जेव्हा त्यांनी आपल्या मुलाला, हृतिकला बॉलिवूडमध्ये आणण्यासाठी 'कहो ना प्यार है' या सिनेमाची निर्मिती केली होती. या सिनेमाला प्रचंड यश मिळाले. या सिनेमाने त्याच्या आधीचे सर्व रेकॉर्ड तोडले होते. २००० मध्ये प्रदर्शित झालेल्या या सिनेमाची निर्मिती १० कोटी रुपयांत झाली होती. तर या सिनेमाने बॉक्स ऑफिसवर थोडी थोडकी नाही तर तब्बल ६२ कोटी रुपयांची कमाई केली होती. त्यानंतर २००१ मध्ये राकेश रोशन यांच्यावर अंडरवर्ल्डच्या लोकांनी प्राणघातक हल्ला केला होता. या हल्ल्यात राकेश रोशन यांना दोन गोळ्या लागल्या होत्या. राकेश यांच्या सांतक्रुझ येथील कार्यालया बाहेर हा हल्ला झाला होता. राकेश यांच्यावर दोन लोकांनी गोळ्या झाडल्या होत्या. गोळीबार झाल्यानंतर राकेश यांच्या ड्रायव्हरने त्यांना तातडीने हॉस्पिटलमध्ये नेले होते. त्यानंतर एक गोष्ट पुढे आली. ती म्हणजे राकेश यांच्यावर हा हल्ला त्यांचा जीव घेण्यासाठी नाही तर त्यांना घाबरवण्यासाठी म्हणून करण्यात आला होता. राकेश यांचा 'कहो ना प्यार है' सिनेमा प्रदर्शित झाल्यानंतर त्यातून मिळालेल्या नफ्यामध्ये वाटा अंडरवर्ल्डकडून मागण्यात आला होता. परंतु राकेश यांनी सपशेल नकार दिल्याने अबू सालेम खूपच नाराज झाला होता. त्याने राकेश यांच्यावर हल्ला करण्यास सांगितले होते. हल्लेखोरांना राकेश यांच्यावर गोळ्या झाडा पण त्यांचा जीव घेऊ नका असेही सांगितले होते. या शार्प शूटरपैकी एकाचे नाव होते उस्मान खान. ही गोष्ट उस्मानला दिल्ली पोलिसांनी अटक केल्यानंतर समोर आली. त्यावेळी दिल्लीच्या पोलिस अधिकाऱ्यांनी सांगितले की खान याने गोळीबार केल्याचे मान्य केलेच शिवाय गायक दलेर मेहंदीलाही फोन करून धमकी दिल्याचे सांगितले. दरम्यान या घटनेनंतर तीन वर्षानंतर राकेश रोशन यांना पुन्हा अंडरवर्ल्डकडून जीवे मारण्याच्या धमक्या आल्या होत्या. आता अंडरवर्ल्डची बॉलिवूडवरील दहशत जवळपास संपुष्टात आली आहे. आता राकेश रोशन आपले आयुष्य तणावमुक्त होऊन घालवत आहेत. इतकेच नाही तर तर ते सध्या 'क्रिश ४' वरही काम करत आहेत.
from Marathi Bollywood News, Marathi Cinema News https://ift.tt/3fjkq3L
