मुंबई- बॉलिवूडचा 'दबंग' अभिनेता सध्या सोशल मीडियावर चर्चेत आहे. नुकत्याच प्रदर्शित झालेल्या ' मुळे सलमानच्या चाहत्यांमध्ये आनंदाचं वातावरण आहे. सातासमुद्रापारही 'राधे' चांगली कमाई करत आहे. परंतु, भारतात ओटीटी प्लॅटफॉर्मवर प्रदर्शित झालेल्या 'राधे' पुढे मात्र पायरसीचं मोठं संकट उभं राहिलं आहे. ईदच्या दिवशी 'राधे' प्रदर्शित करण्यात आला परंतु, प्रदर्शनाच्या काही तासांच्या आतच चित्रपट ऑनलाइन साइट्सवर लीक झाला. त्यामुळे आता स्वतः सलमानने पायरसी विरोधात पाउल उचलायचं ठरवलं आहे. काही तासातच चित्रपट लीक झाल्याने सलमानच्या चाहत्यांमध्ये प्रचंड नाराजी दिसून आली. चाहते चित्रपटाच्या टीमकडे पायरेटेड साइट्सवर कारवाई करण्याची मागणीही करताना दिसून आले. याच पार्श्वभूमीवर सलमानने सोशल मीडियावर एक पोस्ट करत पायरेटेड साइटवरून चित्रपट पाहणाऱ्यांना ताकीद दिली आहे. सलमानने पोस्ट करत लिहिलं, ''राधे' चित्रपट सर्वसामान्यांसाठी ओटीटीवर फक्त २४९ रुपयांना उपलब्ध आहे. परंतु, असं असतानाही चित्रपटाची पायरसी करून ती पायरेटेड साइट्सवर दाखवण्यात येत आहे आणि असं करणं कायद्याने गुन्हा आहे. सायबर सेल या सगळ्या पायरेटेड साइट्स विरोधात कारवाई करत आहे.' पायरेटेड साइटवरून चित्रपट पाहणाऱ्या प्रेक्षकांना ताकीद देत सलमानने म्हटलं, 'तुम्ही जर या पायरसीचा एक भाग बनत असाल तर सायबर सेल तुमच्या विरुद्धदेखील कारवाई करू शकतं. कृपया परिस्थिती समजून घ्या नाहीतर तुमच्यावरही सायबर सेलतर्फे कारवाई करण्यात येऊ शकते.' चित्रपट प्रदर्शित होण्यापूर्वीही सलमानने चाहत्यांना चित्रपट योग्य प्लॅटफॉर्मवर पाहण्याची विनंती केली होती. परंतु, इतकं करूनही चित्रपटाची पायरसी झाल्याने सलमानने कठोर पाउल उचलण्याचा निर्णय घेतला आहे. त्यामुळेच सलमानने चाहत्यांनाही पोस्टच्या माध्यमातून सक्त ताकीद दिली आहे.
from Marathi Bollywood News, Marathi Cinema News https://ift.tt/3uR1IXD
