मुंबई- अनेक हिट चित्रपटात काम करून आपल्या अभिनयाची छाप पाडणाऱ्या अभिनेत्री चाहत्यांमध्ये त्यांच्या बिनधास्त बोलण्यासाठी प्रसिद्ध आहेत. नीना आपली मतं स्पष्टपणे मांडत आल्या आहेत. त्यांच्या चित्रपटांप्रमाणे नीना यांचं वैयक्तिक आयुष्यही चाहत्यांमध्ये चर्चेचा विषय राहिलं आहे. २००८ साली नीना यांनी यांच्याशी विवाह केला होता. परंतु, लग्नाला इतकी वर्ष उलटूनही ते दोघे कधीही नवरा- बायकोप्रमाणे वागले नव्हते. करोनामुळे झालेल्या लॉकडाउनमध्ये ते खऱ्या अर्थाने एकमेकांना जाणून घेऊ शकले असं नीना यांचं म्हणणं आहे. नुकत्याच एका वृत्तवाहिनीला दिलेल्या मुलाखतीत नीना यांनी त्यांच्या वैयक्तिक आयुष्याबद्दल अनेक गोष्टी सांगितल्या. मागील वर्षी झालेल्या लॉकडाउनमधे नीना त्यांच्या पतीसोबत मुक्तेश्वरला होत्या. तिथे त्यांनी एकमेकांसोबत खूप चांगला वेळ घालवला. किंबहुना आयुष्यात पहिल्यांदाच ते दोघेही पती- पत्नीप्रमाणे वागले असं नीना यांनी सांगितलं. नीना यांनी म्हटलं, 'आम्ही जवळपास सहा महिने एकत्र होतो. माझे पती नेहमीच दिल्लीमध्ये असायचे आणि मी कामासाठी मुंबईला असायची. मुक्तेश्वर आमचं घर आहे. त्यामुळे जेव्हा एकत्र राहायची वेळ आली तेव्हा आम्ही आमच्या घरी परतलो आणि हे पहिल्यांदाच होतं जेव्हा आम्ही पती- पत्नीप्रमाणे राहिलो.' नीना पुढे म्हणाल्या, 'पहिल्यांदाच त्यांनी मला जाणून घेतलं आणि मी त्यांना. सुरुवातीला मी थोडीशी वैतागले कारण विवेक जास्तीत जास्त वेळ फोनवर असायचे. नेहमी कामाचे फोन उचलायचे. त्यानंतर त्यांनी त्यांचा वेळ वाचनात आणि मित्रांना फोन करण्यात खर्च करायला सुरुवात केली. जेणेकरून मला वाटावं की ते देखील खूप काम करतात. मी आनंदी आहे कारण मी स्वतःला व्यग्र ठेवायला शिकले. मी वाचते आणि जे मनात येईल ते करते. मी माझ्या सुखासाठी त्यांच्यावर अवलंबून नाहीए. मी देखील माझ्या मैत्रिणींना फोन करायचे आणि वेळ घालवायचे. आम्ही दोघेही आनंदात होतो.' विवेक आणि नीना यांची पहिली भेट एका विमान प्रवासात झाली होती आणि त्यानंतर त्यांच्यात मैत्री झाली. काही वर्षांनी त्यांनी लग्न केलं होतं.
from Marathi Bollywood News, Marathi Cinema News https://ift.tt/3bvvEB8
