मुंबई- एकीकडे करोना देशात नवनवी संकटं समोर आणत आहे आणि लोक यातून स्वतःला आणि आपल्या परिजनांना वाचवण्याचा सर्वोतोपरी प्रयत्न करत आहेत. पण या सगळ्यात असेही काही लोक आहेत जे खालच्या पातळीला जाऊन आपली मानसिकता दाखवत आहेत. दाक्षिणात्य अभिनेत्री आणि गायिका हिला याचा नुकताच अनुभव आला. एका कॉलेजच्या शिक्षकाने तिला अश्लिल मेसेज पाठवून त्रास दिला होता. सर्वात वाईट गोष्ट म्हणजे एका कॉलेजचा शिक्षक असूनही त्या व्यक्तीने अत्यंत लाजीरवाण्या पद्धतीने अभिनेत्रीवर टिप्पण्णी केली आहे. मात्र, सौंदर्यानेही या विषयावर गप्प न राहण्याचं ठरवत शिक्षकाला योग्य तो धड शिकवण्याचा पण घेतला. तिने मेसेजचा स्क्रीनशॉट सोशल मीडियावर शेअर केला. तसेच त्या शिक्षकाला इन्स्टाग्रामवर ब्लॉक केले. सोशल मीडियावर मेसेजचा स्क्रीनशॉट शेअर करताना सौंदर्याने लिहिले की, 'हा एक शिक्षक आहे जो महिलांशी अशा प्रकारे बोलतो. ही लाजिरवाणी गोष्ट आहे. त्याच्या प्रोफाइलनुसार, तो मदुरै येथे शिक्षक असल्याचं म्हटलं आहे. हा जर खरच शिक्षक असेल तर त्याच्या कॉलेजमधील मुलींची मला काळजी वाटते. मला आशा आहे की त्या कॉलेजच्या मुली सुरक्षित असतील.' सौंदर्याने शिक्षकावर कारवाई करत त्याला सोशल मीडियावर ब्लॉक केलं असून त्याचं सोशल मीडियावरही शेअर केले जेणेकरून बाकीचे लोकही जागरूक होतील. या कृत्याची सत्यता समोर आणल्याबद्दल सोशल मीडियावर आता सौंदर्याचं कौतुक केले जात आहे. सामान्य जनतेसोबत सेलिब्रिटीही अशा अश्लिल प्रसंगांना बळी पडतात. पण अशावेळी घाबरून न जाता धैर्याने प्रसंगाला सामोरं जात समोरच्याला अद्दल घडवली पाहिजे हेज सौंदर्याने आपल्या कृतीतून दाखवून दिलं आहे.
from Marathi Bollywood News, Marathi Cinema News https://ift.tt/3fn0sFf
