मुंबई- बॉलिवूडची बिनधास्त अभिनेत्री कंगना रणौतविरुद्ध पश्चिम बंगाल राज्यात पोलीस ठाण्यात तक्रार दाखल करण्यात आली आहे. पश्चिम बंगालमधील निवडणुकीनंतर लोकांच्या भावना भडकावल्याचा आरोप तिच्यावर करण्यात आला आहे. तृणमूल काँग्रेस पक्षाची नेता द्वारा ही तक्रार दाखल करण्यात आली आहे. ही तक्रार पश्चिम बंगालमधील उल्टाडांगा येथे करण्यात आली आहे. ऋजू दत्ता यांनी कंगनाविरुद्ध प्रोपोगंडा चालवून हिंसाचाराला प्रोत्साहन दिल्याचा आरोप केला आहे. ऋजू यांनी पोलिसांना दिलेल्या तक्रारीत कंगनाच्या ट्विटर अकाउंटची संपूर्ण माहिती देण्यात आली आहे. त्याचप्रमाणे कंगनाच्या इन्स्टाग्राम अकाउंटचीही संपूर्ण माहिती देत कंगनाने पोस्ट केलेल्या सगळ्या आक्षेपार्ह पोस्ट ऋजू यांनी त्यांच्या इन्स्टास्टोरीवर शेअर केल्या आहेत. कंगनाने केलेले अनेक आक्षेपार्ह ट्वीट ऋजू यांनी पोलिसांसमोर पुरावा म्हणून सादर केल्या आहेत. त्यासोबतच ऋजू यांनी कंगनावर पश्चिम बंगालच्या मुख्यमंत्री यांची समाजातील प्रतिमा मालिन करण्याचा आरोप लावला आहे. नुकतंच कंगनाचं ट्विटर अकाउंट सस्पेन्ड करण्यात आलं होतं. कंगनाने ममता यांच्या विरुद्ध अनेक आक्षेपार्ह पोस्ट केल्या होत्या. एका पोस्टमध्ये कंगनाने ममता यांची तुलना रावणाशी केली होती तर दुसऱ्या पोस्टमध्ये कंगनाने त्यांना ताडका राक्षसी म्हटली होती. शिवाय पश्चिम बंगाल येथील हिंसाचारासाठी कंगनाने ममता यांना दोषी म्हटलं होतं. ट्विटर अकाउंट सस्पेन्ड झाल्यानंतर कंगनाने इन्स्टाग्रामवर व्हिडीओ शेअर करत तिच्या भावना व्यक्त केल्या होत्या.
from Marathi Bollywood News, Marathi Cinema News https://ift.tt/3tAgpx7
